事緣上年七月,公司有小人,令事業有阻滯,加上男友驗出腸癌指數超標一倍有多!真係人生谷底!於是去恭請佛牌,希望會好d啦~~
人生第一次求神,我求四面神俾我男友身體健健康康,自己工作上可以順利續約。而第一個恭請的佛牌係澤渡金,助我升運、避小人、助人緣、助事業。
兩個星期後,男友入醫院驗腸,結果係無任何腸癌的症狀,不突止,竟然連一粒息肉都無!驗埋其他相關器官都無事!有問過醫生點解,佢話通常每一百個人裡面,有2- 3個人係無事。至於原因,佢就解釋唔到。
當然,我好清楚係四面神的威力。
去到八月尾,我亦都順利續約,一切成願。我立刻還願,多謝四面神同澤渡金的幫助。
直到依家,我對佛牌,求願,成願有少少領悟,加上係度睇文睇得多,心態亦有改變。
佛牌唔係工具,求願未必一定成願,唔成願,可能福報唔夠。盡量多做善事,有心去做,其實唔難。我會功德迴向怨親債主,有時迴向俾自己,希望可以清點業障。舊債未還,又點好意思再向天神攞野呢?
近來亦有意守五戒:
一不殺生,二不偷盜,三不邪淫,四不妄語,五不飲酒
我最難係第一戒,忽然食齌真係好唔慣,唯有盡量少食肉。其他都唔太困難,平時都少犯。
除左澤渡金,我亦恭請了拉胡,四面神同象神,有機會再分享。
由於小妹係新手,仲有好多野需要學習,歡迎各位師兄指點指點。
|