|
佛牌比賽如果冇認識佢都D人就好難會有名次 <--- 這個要睇什麼項目,如果一啲好貴既牌例如2497 LP托,2509 曼冠碰,崇笛 WAT RAKHANG等等......如果你識得個評委,一般情況底下都能得獎,而何解會識得佢呢?當然你經常幫襯佢買牌,咁佢咪識做囉!
驗牌機構又認授性又高嗎? <--- 如果以泰國的佛牌市場上嚟講,驗牌機構的認授性是很高的,一般有卡的牌會比冇卡的價錢會高少少,而且亦會比較好賣,始終呢啲驗牌機構佢開得一間公司都唔係話求其商場的一間小店,通常呢啲驗牌機構都係比較大型的公司,而且佢地驗牌唔係得一個人睇晒所有類型的牌,而係分咗唔同人睇唔同既牌,所以如果個牌出到卡,就算拎去比賽都一樣能入圍。反之只入圍的牌就........這裡不能講得太清楚。
如果想將佛牌送去比賽或認證 程序/流程又是點的呢? <--- 首先講比賽,比賽很簡單,只要你知道比賽日期和時間,當然你亦要知道當日的項目是否有你手頭上的牌啦,如果一切都冇問題,你就可以拎你手上的牌去指定的地點及時間比賽。
至於驗牌就沒有任何時間和項目的限制,基本上90%的牌佢地都會CHECK(陰牌除外),個別亦有些驗牌機構是不CHECK某些牌的,至於是什麼牌就要查詢,但由於驗牌需要大概7天的時間,完成驗證後機構會以郵寄方式或自行提取完成驗證的牌,而且驗牌機構只會為他們的會員作驗證,所以首先要申請成為會員(暫不接受外國人申請),之後送牌去驗證,等待結果(約7天),拿到驗證卡或報告一份(假牌出唔到卡,所以有報告說明是假),程序大概係咁,希望能夠解決你心中的疑慮。
|
評分
-
16
查看全部評分
-
|