|
好老實丫,小弟開頭帶牌都係因為以為帶左之後就曉飛咁,要風得風要雨得雨{:6_326:}..點解?小弟第一次請牌係幾年前,個店員講到點點點,因為我唔識,又無朋友識,就懞下懞下咁用三千幾大元請左一個新牌返屋企...{:6_303:}
到幾年後既而家,開始明白帶牌,唔係你可以想點就點
而係提醒你要記住佛,唔好忘記佛,做多d善事等等...
早排,有位同事一齊食反,佢知我有帶牌,於是好興奮咁拎左條頸果揪牌出黎''喂,掂唔掂先~''{:6_338:}
我'立'一'立',有9個牌,佢又好詳盡咁介紹咩牌咩牌等...到食完反,果位同事開始大吐苦水....
''唉,前排呀,勁黑仔,又唔見USB(佢做野用),呢排呀,又係咁做錯野比上司鏟(我同佢唔同部門)...點解帶左好似無帶咁既~~''
我同佢講,個個人都有自己既業,佛牌都係助緣黎架姐,要做下善事迴向下,應該會越黎越好架喇等等....
跟住佢竟然咁樣講''嘩!又要做善事又要性咁麻煩,咁我帶黎做咩呀..''{:6_300:}
之後因為佢突然有些事要走,留低我一個...
講左咁耐,大家應該明白佢係一個點樣既人,我唔係想講佢係咩人,而係想講..
如果你係一心想要幾勁幾勁既牌都無用..點解?第一,你唔信..第二,善事你又唔做,想要福報?又問我點解會咁黑,自己又檢討一下自己既工作態度,呢個世界無免費午餐囉!{:6_299:}
好,呻完,多謝收看{:6_330:}
|
評分
-
1
查看全部評分
-
|