介紹一下我在泰國曼谷放生牛牛

frenchdogblues

俺罪孽深重，所以間唔中有多餘錢都會盡量做下善事，由於有部分慈善機構畀小弟感覺都係烏煙瘴氣，所以近呢幾年都係要放生為主。

開始就係會去北角碼頭放生魚，久而久之就聽到啲人成日話。。
1) 轉頭畀人釣返上水，班釣魚佬多謝你吖。。。 的而且確我係見到有釣魚佬專係釣啲放生魚，每次有人放生佢哋都會虎視眈眈。
2) 乜嘢生態圈唔同，生存唔得耐，好快會死，又乜嘢分分鐘影響埋其他水底生物嘅生態，罪加一等。。

算。有啲事令到我上年信咗觀音開始唔食牛肉，早排就做咗啲研究點樣去放生牛，大陸啲機構又唔係好信得過於是去揀返泰國，由於唔識泰文所要委託泰國朋友幫手，最後揀咗呢一間響曼谷嘅政府機構，P. BANGKOK FARM CO., LTD， 係一間認可嘅牛牛屠宰場同農場，但同時有放生服務。

有兩個項目，牛同埋水牛， 一個28000bhats一個30000bhats，我就揀咗水牛。
根據我認知， 放生咗之後呢個機構湊夠一個數目，會送去打針之後會交畀唔同嘅農夫飼養，嗰啲牛連埋佢哋啲後代係呢一生都唔會被屠宰，政府會間唔中監察。

呢兩隻就係我放生嘅水牛。
謝謝觀賞，祝各師兄福有攸歸。