小心神棍騙子

Danielbuddha

近日於Facebook嘅「泰佛警訊」群組中，爆出一單有關神棍騙子消息，事主與該神棍騙子相識多年，該神棍本身係一名牌商，早年活躍於旺角信和中心，之後搬往好景，現在好似已不在好景。
係近幾年，該神棍自立教派，稱為「三大門」，自封為創教教主，有大神降僮身。事主分享自身個案，幾年前運勢同情緒比較差時再遇該神棍，神棍表示事主有污糟嘢，對佢非常熱心，又送佛牌又教事主如何持咒，最後事主拜入神棍門下，從此幾年間不斷白銀奉上，如果不合神棍滿意，神棍會不斷辱罵事主同其他門徒。
最事主醒覺，企出嚟分享自身經歷，希望各位可以小心提防神棍騙子。
由於事主分享經歷內容非常龐大，還不斷更新中，各位師兄姐可以自行於Facebook內容搜尋。

THJ

Thanks for sharing

MartinYuen

大顯威靈系列就聽過，大顯威神真係第一次聽.
不過都唔使太擔心有人被騙，根本一聽已經唔會有人信， 被騙嗰啲根本腦筋有問題， 就算唔畀呢個呃，都會畀第二個呃，可能都係業力問題.

clotnine

依家不停更新中

Danielbuddha

MartinYuen 發表於 13-3-2024 18:54
大顯威靈系列就聽過，大顯威神真係第一次聽.
不過都唔使太擔心有人被騙，根本一聽已經唔會有人信， 被騙嗰 ...

咁你太睇小依家啲人嘅愚昧同智商。
事主幾年間已課過十萬金供養教主一家，重有其他「門下弟子」呢，一路畀教主「嚴厲」訓斥，話佢哋怠墮，教主本人同所謂門上祖師爺要孭起佢哋包括家人嘅歷世業力，所以佢哋依家先可以得救，得大神大仙降僮身咁咁⋯⋯，重有過年過節畀利是教主一家呢。

tattat_1223

山豆X

放下啦

通常人生低潮, 就容易上當受騙, 用遇到污糟嘢埋身.

一年都有春夏秋冬, 人生亦一樣, 有高低循環嘛.