有趣既 六道原居民 和 乘愿再來既修行者

放下啦

我地呢個世界，除左好多不斷輪回既六道眾生，又可以叫六道原居民，亦有好多乘愿再來既修行者。


通常環境越污穢惡劣，需要救度既人就越多，承愿再來既修行者就會越多，同父母照顧仔女一樣, 從來唔會有嫌棄唔乾淨, 臭同污遭, 無人理既。

據妙法蓮華經卷五，从地涌出品第十五講，當佛陀正要繼續講經時，呢这个时候，从十方其他國土来左好多大菩薩，其數量已经超过八个恒河沙数之多（恒河沙子细如面粉）。

佢地來見多寳如来同釋迦牟尼佛。

呢班大菩薩，在大眾之中，一齊企起身，大家恭恭敬敬合掌，向佛言：世尊！请您听我地發愿，等待我佛滅度之后，我地决定在此娑婆（堪忍）世界修行，勤奋精进，護持呢個妙法蓮華經。我地係呢個國土中，應當廣為一切衆生，宣說妙法蓮華經既真實道理，令一切衆生種下善根，早日成就佛果。

當時，佛告訴從他方来既，八恒河沙數諸大菩薩：停一停！不需要。善男子！你地唔需要發愿來護持妙法蓮華經，點解呢？

因为我娑婆世界，已经有六万恒河沙数那样多的大菩薩。

每位菩薩都有六萬恒河沙數咁多既眷属（弟子）。佢地早已发愿，可以係我滅度之後，來護持呢部妙法蓮華經, 救度眾生。

釋迦牟尼佛講完，娑婆世界三千大千世界所有的大地，有无量千万億咁多大菩薩，同时涌出。佢地都係釋迦牟尼佛在過去生中所教化既弟子。

放下啦

其實佛陀點解要講， 从地涌出品第十五呢？

目的係講大家聼，世界從不孤單，唔好絕望，大家身邊有好多 承愿再來既修行者，非常樂意提供協助，被人來麻煩，否則來呢個世界做咩呢？

幫得一定幫，除非干擾到因果，先無辦法提供幫助。所以大家要先自己幫自己，平日多做善事，減少作惡，提供被佛菩薩幫助自己既機會。

佛經話，各菩薩在六道中，百千方便而度罪苦眾生，不辭疲倦，是大菩薩有如是不可思議神通之事。然諸眾生獲脫罪報，未久之間，又墮惡道。

自是閻浮提眾生，結惡習重，旋出旋入，勞斯菩薩，久經劫數而作度脫。

something444

好有趣!!謝謝師兄分享!!

放下啦

咁就過癮，既然身邊好多承愿再來既義工，咁有無辦法，分辨出原居民，同義工呢？

有既，通常義工同原居民，大家人生目標，同生活習慣唔同，好難臭味相投，通常原居民，會感覺，班友仔傻傻地，好鬼老實，認認真真，唔係咁醒目，正直唔怕死，唔怕被人威脅，咁就好大可能係啦。

因爲班義工，係來做野，當然唔會想揾著數，梗係老老實實，認認真真，唔係來同流合污，當然就正正值值，講真話唔醒目嘛，承愿再來，又點會怕死，怕被原居民威脅嘛。

可能一群人，原居民大家都討厭佢既, 就好大可能係啦。

放下啦

咁分辨左出來，大家就要注意囖，唔喜歡班承愿再來既修行者就算，唔好去揾佢地笨，誹謗，欺騙，欺負, 夾埋一齊害佢地, 咁會扣好多自己福報來埋單架.

記得老祖宗教落, 唔好去欺負老實人, 佢地有天保護架.

班老實人, 佢地好大可能, 就係承願再來既修行者, 即係大家拜來拜去, 許願個群修行者嘛.