|
因緣嘛,如果研究一下,其實非常有趣。
緣即係緣分,要得緣分,就要有因先得。
佛菩薩度人,都要有因,否則無緣者,就度唔到。
佛經話,或有利根,闻即信受;或有善果,勤劝成就;或有暗钝,久化方归;或有业重,不生敬仰。
如是等辈众生,各各差别,分身度脱。自是阎浮众生结恶习重。旋出旋入。劳斯菩萨久经劫数而作度脱。
佛菩薩對無緣眾生,點度呢? 嘿嘿嘿,就係撩女仔咁,撩佢啦。
無緣眾生無啦啦被撩,當然火都來埋,可能爆粗,先而口角,繼而動武咁,呢個時候,因就種上,佛菩薩就得逞囖。
好,去片,自己行街購物,身邊經過無數芸芸衆生,突然眼角,出現一個人影,好似係自己認識既人,於是就來精神,行近少少,認真確認一下,係唔係佢先。
如果發覺唔係,心就回歸平靜。如果發覺係,心就唔平靜。
拿,呢個就係緣啦,有因就會有記憶,其實記憶就係緣,緣可以係善緣,亦可以係惡緣,不論如何,勾起記憶,心就唔平靜。
通常佛菩薩,遇到無緣眾生,想度佢, 都會先被唔禮貌對待,咁佛菩薩就得米囖,種下呢個因,以後不論幾耐,再遇到,就有反應,眾生唔認得,但佛菩薩認得,咁就提供左方便同機會嘛。
係唔係好有趣呢?大家點睇? |
|