呢3年我帶過既佛牌。。。

Wu74123kit

不知不覺接觸佛牌已有3年左右既時間，當然對比好多資深既師兄，3年唔算得係咩，但都想分享D故事和心得比大家～會比較長篇，唔好介意


話說我係我細個嗰陣，屋企人成日同我講泰國神明好邪，唔好去拜，會出事的，直到有一日，屋企人話去泰國旅行，我多口問去邊玩啦～佢地竟然答我去拜神！！！！！！
原來佢地一直都有拜四面神，但怕我太細個會亂咁向神明許願所以先呃我～但我都仲係驚驚地，因為剛好有位中學同學佢呀哥剛死亡，而佢生前有供陰，我當時唔識分，只覺得都係好可怕
直到我大概23歲個年，突然想試下帶佛牌，就上網係咁搵資料，見D人講到放塊牌係手會過電，凍，熱，打冷震，暈等等既感覺，令到我更加期待係點樣既一回事！！！就立即上網搵牌鋪，去睇下可否結緣
可能我太期待啦～一拎上手。。。。。哦。。。。？？？？無啦？？？？說好的打冷震呢？？哈哈。 令到我好失望咁返左屋企～不停上網再睇下其他資料～

1. 古巴震/古巴鎮 4期鬼王
有感覺到在工作上順利左，財幫到1次，但此終過唔到被呃個關（之前貼有提及），就放左了。。。。。。


2. 龍婆浸蘭 2546 象神小立尊 阿柏加材料
可能真係人夾人啦，我無特別感覺，我有位同事只拜象神，每日供香蕉同牛奶比象神，佢就感覺樣樣都好順（但佢既象神係龍婆孔師傅的）

3. 派更也 2557 泥漿肉銀符管＋白肉符珠
呢塊牌我真係又愛又恨。。係唯一我拎上手有暖意既牌，真心好神奇，帶個陣又好順，不過個時純粹見塊牌好珍貴咁，就請返黎試試，無深入了解功效，就出事啦
人緣。。你可能會話人緣變好唔係好事咩？但我公司主要都係男同事，個排係咁痴埋黎，自問男仔頭，中性打扮（我係師姐）有啲又有女朋友，有啲又結左婚
我實在唔想要呢啲人緣，就拿拿聲放左件牌！！！
（後來接收左我呢件派更也既師兄好開心，佢在國內做地產，話帶左又有貴人又開大單）

4. 古巴陣得 第一期 坤昌 金面 大模
個時因為聽D師兄講呢塊好得，財方便好幫到手，就膽粗粗係泰國牌商到請返黎，到港個日真係勁開心，拎上手勁大尊，不過好彩輕身，立即帶啦～點知。。平時D老闆都好錫住我，同事都幫我，但帶左呢塊既第一日完全唔知咩事，小小野鬧到我上天花板！！(例如無主動幫佢拎野飲)，同事又比面色我睇，突然有仇咁，我都係文職一名，工作上無跑數呢回事，所以真係成頭黑人問號，最終試左1～2個月左右都係唔掂。。就放左了

5. 屈當一 四面神 2508 阿柏加
呢塊真係做左好多功課，因為實在太多假野啦，同埋品相都好影響個價錢，但最終都係同香港牌商請，比較安心同埋個品相真係靚
一開頭帶真係無咩特別，開始都平常心去看待帶牌呢件事，一直都Keep住做善事，喂下流浪貓咁～～～直到。。


- (第一個夢)  有一晚我發夢自己去左細個住既公屋大堂，見到勁多小朋友無著衫，係咁跑黎跑去，有個更加拖住我行
行行下我入左一個公屋單位，入面有我姑姐，同勁多公仔，又有小朋友睇既圖書，我就行左入去同姑姐唔知傾緊咩～
突然！！！！D公仔係到唱生日歌，係每一隻都唱！！！同時感覺到係門外有野想入黎(感覺係小朋友，但不是善意)，好唔舒服
驚到腳震，個下發現夢中既自己手上緊握屈當一，我就念埋佛首經，好大聲咁念，最後全身出曬冷汗咁醒返。。。。實在太深刻啦
- (第二個夢)  今次夢境係屋企附近既地鐵站，我係超市買完野經過地鐵站個陣，發現有位乞丐衣坐左係到，長頭髮，D衫都破爛曬
我就放低D野食比佢，點知佢突然捉住我手話我搵到你啦！！好大力，（正常黎講呢啲情況下都會醒，但我真係醒唔到）
我又大聲讀起佛首經，都唔知念左幾耐。。。。又慢慢醒返，又係出曬冷汗，發現我帶住左屈當一訓覺
開始同公司師傅講起呢件事，佢話你太有同理心啦。。。，你下下都同情人地，我都唔知話你幾多次要改，同情好正常，你本身又敏感體質，好容易有野跟身。。。。。加上個時準備買樓，需要多少少錢，就放左塊牌比之前同我收派更也個位師兄，佢話帶左不得了，D客入間屋唔到5分鐘，野都唔多講，簽約～又成日有貴人同高質素嘅客主動搵佢，真心好神奇，仲叫我黎緊有咩好野要放同佢講聲，哈哈

Wu74123kit

6. 波既爺爺 第一期 配帶型＋黑色 供奉型
成願力真係強

Wu74123kit

7.  鷹神 龍婆屈啦 2537 2553 2560（生日版）
我有做下副業，生意都幫到手～諗緊放曬手上有既換純金返黎帶

8. 澤度金 阿贊速 那朗
可能無緣～無特別事發生

Wu74123kit

9. 派更也 2557 金面白肉試模
你可能會話，又請返呢塊既，但真心我配帶咁多牌，真係得派更也比到特別感覺我，所以我對呢尊牌真係念念不忘，曾經都問師兄可否讓返尊泥漿肉比我，我好掛念～
但佢唔肯，話實在帶得太好～～～～～（點知突然有一日，佢搵我，問我是否要返尊牌，當然要啦！！！問佢咩事，原來太多異性緣，老婆唔高興，只好放出，但又抬到個供金好高。。）係香港見到呢尊試模，真心勁鍾意，
最終師兄肯平小小比我，不得了！！！！立即帶返屋企～好懷念呀，到我第一日帶，原本黎左個新鄰居，又掉垃圾落街，又係屋大叫同撞黎撞去，又搞到垃圾房到處都係水。。。。。我都同管理處講過2-3次，都唔太想理我咁，我自己都拍門同呢位鄰居傾過叫佢關窗，因為每晚1點或4-5點大叫，我真係訓唔到，佢都講對唔住話會關窗～最終都係無。。。。。。都係唔關窗大叫
正當我選擇放棄之時。保安突然叫住我，話已經同業主講曬佢租客既問題，又叫左個租客關好窗，要整理好自己D垃圾唔好影響人
真係好神奇，保安360度轉變我當然開心啦，加上佢真係關返隻窗啦～謝天謝地謝派更也

其實仲有其他牌，但我可能配帶時間唔長，都無咩印象啦，不過今次突然打長篇文章係因為我同自己講過，如果我請得返派更也，就要同大家分享下帶牌心得

呢幾年認識左好多師兄，交流左好多佛牌既心得，暫時一切都順順利利開開心心，如果你由頭睇到呢到，辛苦曬啦～都好多謝你，希望下次再同大家分享心得～～

Rosa

看你分享很開心謝謝

Wu74123kit

Rosa 發表於 24-9-2023 13:18
看你分享很開心謝謝

謝謝你

放下啦

師姐福報大，可以得到唔同佛牌幫助，經驗分享亦好有趣，謝謝。

Merlion_L

師姐有機會試過多塊好牌，好羨慕！

記得當年我帶派更也一期泥漿版的時候，都體驗過超強異性緣，之前在此有出過貼分享

frenchdogblues

有冇佛牌相片睇下🙏

Wu74123kit

放下啦 發表於 24-9-2023 13:42
師姐福報大，可以得到唔同佛牌幫助，經驗分享亦好有趣，謝謝。

哈哈，謝謝師兄支持，本身體質敏感，都好多古靈精怪野，日後再分享比大家