配帶佛牌並踏出社會工作後三年的報告

oscaryam

出黎做野呢三年或多或少都有佛牌既庇祐。雖然有佛牌既庇佑但係對我黎講係事業上既發展黎講可以話係既新奇又刺激。

總括一下我目前事業既路途：大學畢業後三年內轉了三份工，現在準備轉第四份工作。
好多人覺得我咁樣既轉工模式係好Jumpy，確實係，我自己都認同。但其實都是無奈既情況下先要轉工，但係同時我都好感恩有佛牌既助力令我轉到工。先簡單講解下我點解會咁諗。


第一份工: 做IT Sales (小型公司)，Cold Call Sales，因無得見客所以做左年幾就轉左一份有得見客既工。(對佛牌助力無咩Comment)
第二份工：都係做有得見客既IT Sales (小型公司)，可惜上司對自己Team 既下屬遇到任何事都會嚴厲指責，做左不足一年就走左 (對佛牌助力無咩Comment)
第三份工：在香港BNO移民潮時因一個機緣巧合既機會係一d 求職既平台中揾到一份電訊界既Sales (Telecom Sales) <-- 呢類既Sales 通常會請返d 電訊界行內有經驗(5 yrs or above)既人，很少機會請行外既人。(當時我自己出黎做野頂多兩年既經驗唔知點解自己會咁好彩入左呢行，或多或少有佛牌既幫助)係到做左差不多一年但無奈因公司生意不好所以要Cut cost，自己亦被炒魷魚了。


第四份工：第三份工既上司見我咁既情況就介紹我做一份更適合我做既電訊界工作，我聽落都覺得自己幾適合所以就有去申請呢份工作。(當時亦時用一個平常心既心態去申請，因為職位要求既年資要求亦十分高)


獲得第四份工作既歷程係：首輪面試 --> 過一星期後已知Fail --> 過多一星期後突然復活有第二輪面試機會 --> 好好準備第二輪面試 --> 一星期後得知有Offer


對我黎講我非常緊張第四份工作亦是我的首選工作，因為真係唔想再咁Jumpy。所以我得知有第二輪面試後就向佛牌許願祈求得到這個工作機會(當然亦要好好準備面試)。因此最後獲得第四份工作Offer 後我就覺得我要將呢個經歷與壇友分享。


現在分享一下小弟戴緊既牌 (左- 龍婆術白欖佛，中- 龍婆多波你印納，右 - 龍婆馬甩龍婆行二期滴金坤平理事版 <-- 第四份工第二輪面試前幾日請的)



期待大家分享自己戴牌的靈驗事蹟！

GGC0510

剛畢業就可以請到這麼好的佛牌，真的是很有福報的呢

oscaryam

GGC0510 發表於 17-5-2023 10:25
剛畢業就可以請到這麼好的佛牌，真的是很有福報的呢

白欖同必打也是祖上留下的。

lkybb

珍藏唔少好野
滴金也是我推薦既好牌

放下啦

剛剛畢業年輕人，一年一跳好正常，反而可以增長見識，唔同公司管理模式千差萬別，一體兩面，有好就一定有唔好既，跳幾野可以學到更多。

oscaryam

睇黎大家都好正面！

Merlion_L

正能量

benben_888

多謝分享！

放下啦

GGC0510 發表於 17-5-2023 10:25
剛畢業就可以請到這麼好的佛牌，真的是很有福報的呢

真係，三個都係好牌，係佛牌鏈吸汗，夏天可能會有異味。

oscaryam

放下啦 發表於 17-5-2023 23:35
真係，三個都係好牌，係佛牌鏈吸汗，夏天可能會有異味。

我對龍婆多既波利印納真係又愛又恨，因為戴左佢一大段時間後上年出現了投資失利既情況（損失對我黎講都算大），同時短短3年為我帶來更好既工作機會，可能發揮左佢瀉惡同招財既特性吧！但總言之安我都好感恩有呢d佛牌既陪伴，是緣份吧。