首次目睹UFO事件

phantom

如題;今次小弟想分享一宗發生在2023年4月18日早上於香港見到UFO嘅事件，當時大約是早上7點30分左右，我從新界環迴公路駕車出沙田，當途徑吐露港公路剛過了白鷺湖附近不久，就見到左方海邊上空有個像太陽般嘅球體，但型狀又好像不太圓的，當時就感覺得有點奇怪，於是我就一邊駕駛一邊間中望下那個太陽，突然間我感覺個太陽好似越來越近，但仍未察覺有什麼異樣，只覺得點解今日個太陽咁奇怪嘅? 而且啲輻射線好似偏埋一邊? 正當我懷疑之際，點知個球體突然轉咗方向，我開始睇清楚原來係一架UFO嚟，之前睇啲偏埋一邊嘅光線原來係佢嘅腳位，跟住就見到隻飛碟好快速咁移動，相信都接近光速咁快，並逐漸變小到一點消失咗。其實我之前不太相信UFO是真實存在的，但今次真係自己親眼見到，的確大開眼界!
最遺憾是當發現個球體是隻飛碟時，前後只不過幾秒，根本趕不及取手機拍照，車cam又射不到位置。

pmxsl

不得了，緣份嘅野真係話黎就黎

MartinYuen

師兄有冇因事件，生出一種很 “ 嚮往” 的感覺？

kkk

香港新聞有無報道事件？

放下啦

過癮，有特別的經歷，同好多年前有港人行山失蹤三日，當事人話好像走進另一個世界，寫左幾千字記錄落來發網上分享，非常神奇。

phantom

pmxsl 發表於 24-4-2023 11:51
不得了，緣份嘅野真係話黎就黎

係呀! 上天真係對我不薄，咁都畀我見到

phantom

MartinYuen 發表於 24-4-2023 12:28
師兄有冇因事件，生出一種很 “ 嚮往” 的感覺？

其實我由小學雞開始，已經很喜歡UFO了

phantom

kkk 發表於 24-4-2023 14:21
香港新聞有無報道事件？

個人覺得可能事件發生响早上，加上個個趕住番工，所以無乜人留意到!

phantom

放下啦 發表於 24-4-2023 16:25
過癮，有特別的經歷，同好多年前有港人行山失蹤三日，當事人話好像走進另一個世界，寫左幾千字記錄落來發網 ...

我相信這個宇宙，仲有很多我哋人類未知嘅事! 不過佛陀一早响佛經入面講過，宇宙內又有很多不同嘅宇宙存在，地球在浩瀚的宇宙裡，只不過是一顆微不足道嘅星體!

放下啦

phantom 發表於 24-4-2023 21:41
我相信這個宇宙，仲有很多我哋人類未知嘅事! 不過佛陀一早响佛經入面講過，宇宙內又有很多不同嘅宇宙存在 ...

係吖，佛陀話空間有重叠，活在那個空間由心境決定，凡夫看見的是五濁惡世，而覺者看到的是清净聖境。

大家分隔這麽近，卻又那麽遠...真有趣。