|
|
|
今次呢件又係真人真事，而且係發生响我一個做生意嘅朋友身上，因為我朋友家族同泰國方面有些生意來往，故此要經常港泰兩邊走；又因為朋友的家族作風慳儉，所以每次去泰國都係入住一些廉價酒店，又唔知點解呢種酒店真係往往多怪事發生，故此朋友就聽當地華人嘅意見去請泰國佛牌嚟戴；點知朋友戴咗佛牌之後，成個人感覺真係唔同哂，即使住番之前曾經出事嘅酒店，內心都無咁恐懼，甚至可以一覺瞓到大天光，佢亦從此由一位佛牌小白變成位收藏家。
今次嘅故事係發生响佢一次請牌嘅經歷，話說有日佢如常跑去曼谷果間「P」字頭嘅商場度揾牌，當經過某層一個佛牌檔口時，佢就畀玻璃櫃內一塊size幾大嘅佛牌吸引住，仲一眼睇出係塊坤平佛牌，牌下方仲騎住咗一隻雞；於是佢就問男檔主幾錢，點知檔主話塊牌唔賣的? 朋友做開生意，深知買賣双方嘅套路，初時以為個檔主响度想捉客人心理啫，但即使朋友出盡法寶，個檔主都係堅持唔賣，咁朋友唯有帶住失望嘅心情番酒店啦。
雖然買賣失敗咗，但朋友每次去襯個商場時，都會專登經過該檔口去看看塊牌，又例牌問下個男檔主賣唔賣?(但答案都係Say No)。 如是者又過咗幾個月啦! 今次我朋友又如常去該檔口探望塊牌。咦？點解今日坐係櫃檯果位係女士嚟嘅? 朋友就上前打亮吓塊坤平仲响唔响度先? 咦! 又响度喎。 正當佢默默地望住塊坤平盤算緊問唔問價好嘅時候，果位女士就好似知佢心意咁，打開個玻璃櫃拎咗塊坤平出嚟，問佢呢塊牌啱唔啱呀？我朋友當然响處強裝鎮定同問價錢啦，哈~點知個價非常合理，我朋友已經响個心度想笑咗出嚟，跟住就二話不說，第一時間放低錢就嗱嗱聲拎牌走人，心想呢個時候千祈咪撞到個男檔主番嚟呀。
幾經波折，朋友終於可以得到自己嘅心頭好啦! 過咗幾日，佢又去咗同場一位相熟的華僑牌商度吹水，兼且分享吓佢呢次請牌嘅經歷。 點知原來呢位華僑牌商與該檔主係認識的，加上大家都很好奇，所以華僑就帶我朋友去該檔主度八卦吓，點知去到檔口依然係當日果位女士响度睇檔，華僑同該女士打過招呼後，就借故問佢呢塊坤平嘅經歷同之前佢老公唔賣嘅原因? 原來呢位女士係男檔主老婆嚟，塊坤平係男檔主响大約半年前收番來的，老婆發覺自從男檔主戴咗塊坤平後，就經常會有女人去找男檔主傾偈，有些甚至由早到晚都坐响鋪內，兩公婆更為此事攪到家無寧日，幸好佢老婆懂得向佢師傅(僧人)求助，男檔主經師傅點化後亦聽話將塊牌除低，以及聽老婆吩咐將塊牌賣走。 說到這裡，相信大家明白男檔主為何不想賣牌的原因吧！
最後仲有小小彩蛋，大家回帖後可見。1) 可能大家會問，點解故事尾段唔見咗個男檔主? 原來男檔主因有事要回鄉辦理，所以才由老婆睇檔，咁啱男檔主又忘記收起塊坤平，結果出事囉，最終件畀老婆賣出!
2) 相信很多人想知，朋友戴咗塊坤平後有咩事發生? 佢就同我講塊坤平真係幫到手，尤其係同啲女客戶談生意嘅話，成功率很高。我再進一步問佢；咁~其他呢? 佢只係笑而不答，見到佢咁嘅表情，相信唔使多講呱!
3) 至於是那塊坤平? 小弟為咗不想造業，恕不回答了；而且內文已經有貼士，大家自己去找找吧。
|
|
|小黑屋|手機版|網站地圖|聯絡我們|Privacy Policy|Unite Thai Amulet Forum (HK)
雷達卡
發表於 17-4-2023 23:05
變色卡
千斤頂
顯身卡