欲哭無淚，只可以說一切是緣

jajamo

話說新請一尊牌，師傅已完寂多年。一心想包個防水殼好好保存，包好便到師傅度攞，自己約咗人食飯攞時無認真望，搭車嗰陣諗住攞出嚟唸經文，一望見嗰牌有到條線已心中不妙。食飯時同朋友一齊傾牌交流，友人用電筒一照條線透光即時欲哭無淚。只能以廿年前第一次喺九龍城包防水殼時店主嗰舊牌包防水殼因為膠片熱脹冷縮就有機會裂，但唔影響牌既能量嚟安慰自己。。
（邊個龍婆同邊度包就唔講喇，只係講出經驗，提醒各師兄師姐舊牌包殼鑲殼就要自己有心理準備）

pmxsl

想睇下個牌最後變成點，但連邊位龍婆都唔講得？有趣

six11223

如果個粉牌裂，包吾到防水殼，
一係包完後先至裂

jajamo

pmxsl 發表於 11-4-2023 09:09
想睇下個牌最後變成點，但連邊位龍婆都唔講得？有趣

香港佛牌討論區數目小，我覺得包殼師傅有機會睇到，發帖只係想提其他師兄師姐，唔係搞事，所以咪費事講

jajamo

six11223 發表於 11-4-2023 11:45
如果個粉牌裂，包吾到防水殼，
一係包完後先至裂

金屬牌嚟，出牌年份廿幾年牌前，嗰時好多金屬牌都有夾經粉相對脆身，但又唔係斷開，相對係包到既

pmxsl

jajamo 發表於 11-4-2023 12:17
香港佛牌討論區數目小，我覺得包殼師傅有機會睇到，發帖只係想提其他師兄師姐，唔係搞事，所以咪費事講 ...

原來係咁

pmxsl

jajamo 發表於 11-4-2023 12:20
金屬牌嚟，出牌年份廿幾年牌前，嗰時好多金屬牌都有夾經粉相對脆身，但又唔係斷開，相對係包到既 ...

估唔到金屬牌都會裂喔

放下啦

哈哈，以前無透明防水殼前，泰國人用鐵綫纏住金屬牌來帶，磕磕碰碰，缺角毀容是平常事，有些連法相都磨到唔見左，不影響的，只是外觀課題，所以有裂痕也不會有問題的，無需煩惱，隨緣好了。

jajamo

放下啦 發表於 12-4-2023 02:50
哈哈，以前無透明防水殼前，泰國人用鐵綫纏住金屬牌來帶，磕磕碰碰，缺角毀容是平常事，有些連法相都磨到唔 ...

咁我一向都認同此點。我自己請牌有自己要求，放牌係手中心，然後唸佛首經，1.手心有針拮感覺，2.個身feel到㷫，3. 個人起雞皮；3樣最少有2樣感覺先請。哩個牌係3樣都有，無論請嗰時抑或依家包好發現裂縫都有，所以我先話一切是緣。

題外話 ，我唯一一次3中1都請係一尊崇笛，係間鋪唔同位置先揀咗3個，無睇過牌背，埋到位店主呆咗，佢話從未試過有客咁，因為原來3尊都係同一個龍婆同一期既崇笛，每個牌只俾1樣感覺我，最後3尊請哂。所以都係一切隨緣。

放下啦

jajamo 發表於 13-4-2023 22:30
咁我一向都認同此點。我自己請牌有自己要求，放牌係手中心，然後唸佛首經，1.手心有針拮感覺，2.個身feel ...

記得以前我做新仔唔識，有個坤平將軍粉牌，面部缺一塊，總係覺得遺憾，但係帶左好有感覺，後面轉讓左出去，之后就請唔返，好後悔。

宜家手上有好多牌，法像完美，但係帶左完全無感覺，