帶左澤度金天神牌，感覺有d神奇，好明顯人勤力左

放下啦

話說入來論壇，我好八卦架嘛，見有師兄介紹澤度金天神牌拿朗，記憶中自己都好似有一塊類似既，請返來十幾年，就從來未戴過，於是放相上來問下係唔係，有師兄回復話係，咁就試下帶。


帶左同樣無咩特別，但係做野就勤力左少少咁啦，有d感覺，平時我都好鬼懶下既，好多野都無乜追求過，順其自然，來就唔區，難就是但居多，屬於胸無大志個類，係咁架啦。

兩三個星期前，係網上見到有個澤度金天神牌，賣家都無介紹個牌，只係話係阿贊速師傅出既，由泰國寄出，開價好平下，500蚊連郵費還有找，我見到好似係四樂，就請左先，賣家話得一個，平嘛，就算唔係，都無所謂啦。

之後放相上來，有師兄回復話係四樂，佢供請價係我一半左右。其實我都係來呢處，聽師兄講，話帶左四樂幾好，先知道有四樂牌。

等左一個禮拜，收到快遞，唔係同相片同一個牌，不過款式的確係一樣，四樂來，原來都好大塊下，咁就帶上頸，

帶左一個星期，都有d神奇，之前好多拖得就拖既事情，自己開始會主動自自然然攞來做返，我副業係搞電路設計，即係識搞又好懶鬼去搞個種，塊塊板好多條線，真係又煩又悶，好難提起勁去完成佢，竟然坐到落來，完成左幾個拖左成年既項目，下面相片就係剛剛搞好既其中一個項目。

我牌就真係多，都唔係貴價牌，帶牌興趣唔算大，帶牌好少有感覺，系有個坤平將軍牌，一個背後有個古曼牌，帶左有d感覺，但係未試過，有帶澤度金天神牌，感覺咁神奇既，所以就寫出來分享一下經驗。

放下啦

補返張相先，帶緊係呢個澤度金天神牌四樂，人勤力左，唔覺辛苦左，就係幾神奇的。

Zodiac

好jeng，希望師兄可以繼續分享~

Chiunickyuk

Merlion_L

恭喜師兄！

好多師兄都話澤度金好招財，可能我夾唔到所以未有體驗到！

pmxsl

個人認為四樂係阿贊速性價比最高嘅一塊牌，小弟就收藏左好多四樂喇

VANGO

Merlion_L 發表於 7-10-2022 19:30
恭喜師兄！

好多師兄都話澤度金好招財，可能我夾唔到所以未有體驗到！

見人分享話要長帶先睇到效果

clotnine

唔識upload相，我最近都請咗個供奉型

放下啦

Merlion_L 發表於 7-10-2022 19:30
恭喜師兄！

好多師兄都話澤度金好招財，可能我夾唔到所以未有體驗到！

多謝師兄，帶牌系呢塊牌，感覺最特別，知道四樂牌純粹偶然，請到四樂牌亦係純粹偶然，因為知道左呢個牌，又剛好見到，價又接受到，又臨時起心請既，請返來又肯帶下，

懶惰習慣，真係好唔容易改既，我懶惰姐，但係都有研究懶惰原因。 通常對一d事情，感覺唔係咁愉快，又無急切性，就會出現懶惰拖拉情況既，多數人讀書成績，工作做野唔得，就係咁，拖拖下就掉隊，同人差距越大，都無花時間，到考試就讀多兩野，結果衰左，然後就重重複複咁。

有d人唔知係唔係火麒麟，對好多事情，都感覺愉快，所以讀書做野，都特別成功，但無覺佢地特別聰明，感覺好愉快，又點會撒手擰頭，例如行山活動，話出滿身汗好舒服，咁就成日去，跑馬仔，好刺激，所以成日自動自覺參與...

人唔會無啦啦變勤力架嘛，所以我先認為係個牌既力量，帶拿朗牌都有類似變勤力情況，但無帶四樂牌，咁明顯，

其實會唔會係因為拿朗牌呢，我帶拿朗，都有變勤力既感覺，但係大多數還是蛇王懶惰佔上風多，咁拿朗就推薦四樂來幫手？

如果對事情唔感覺麻煩，就會做左佢，如果感覺愉快，就會做好佢咁，呢個係自己既經驗。

放下啦

pmxsl 發表於 7-10-2022 22:55
個人認為四樂係阿贊速性價比最高嘅一塊牌，小弟就收藏左好多四樂喇

有呢次特別經驗，就完全認同師兄既結論，性價比高，即係又平有靚咁啦，

帶牌就係咁，唔在乎牌貴價，只在乎自己夾到，聽好多師兄講，其實係我八卦問，帶貴價牌無感覺既，其實大有人在。

師兄話收藏好多四樂，其實四樂牌係唔係有幾種法相呢？

我見有師兄分享四樂牌，同我帶既，就完全唔同樣。