|
話說以前剛剛加入一家公司,公司老闆每星期會到廠房開會同巡視,
某日,老闆搵我,話看到我部門某工程師上班瞓覺,叫我處理,我當時就覺得好奇怪,一般呢d犯廠規既事,系搵行政部去處理,行政部又系聽老闆既,老闆只要一句,話炒佢魷魚,就解決,搵我做咩呢?
我梗係搵個工程師,提醒佢幾句,要醒目d啦,然後踢個波去行政部,問要點處理,行政部話發警告信。
又過幾個月,老闆搵我,話再一次看到個工程師上班瞓覺,又叫我處理,我就覺得更奇怪,同樣事情一而再發生,老闆點解唔用佢權力,亦無話要炒佢魷魚,咁我又再踢波去行政部,問點處理,行政部話發警告信。
我又再搵個工程師,再提醒佢醒目d,將心比己,如果佢自己系老闆,出緊糧時間,員工去瞓覺,會點唸呢?
後面呢,個工程師就無再被老闆捉到瞓覺,但係去廁所,就一去幾個鐘咁,我問其他同事,佢有無工作拖拉,唔做野,得到答案係無。
呢種情況,我覺得無咁簡單,公司有唔少老闆既大內密探,金手指無處不在,通常金手指呢類人,做野能力唔系好得,就會用各種情奇怪報來頂數架嘛,咁老闆點會唔知渦。
老闆都唔激,我就當然唔會急,反正無人系檯面篤Q佢,我就當無事發生,只係暗中留意一下,避免後面搞單大野出來。
結果呢,幾年後,個工程師自己請辭,話有好路數,我就順水推舟,批准左。
另一個我其中一位部門主管,佢出電郵同其他部門吵架,結果老闆直接就炒佢魷魚,無搵我。
好明顯,工程師問題嚴重過主管問題好多,老闆可以忍受到個工程師,而且還可以長期忍受個種,由頭到尾都無打算炒佢魷魚,但係就忍受唔到個主管偶然一次出錯,
如果用公平角度,梗係唔公平啦,但係呢個世界,好多野係緣分作用,優先過公平作用架嘛。
大家有無類似經驗,出來傾下解,吹下水,分享一下。
|
|