閒來話玻璃法器ping pong

放下啦

好多年前，見過上海街，香燭鋪有台灣師傅做的ping pong(近似發音）賣，一個紙咁薄厚度既圓玻璃球瓶，好長的細咀，聽講係人手做，加入陰陽水，放神壇上，神壇有神到位，就會嚮的，大家有無見過呢？ 來分享一下經驗。

相信修法科的師兄，有比較大的機緣看到過。

MartinYuen

聽過，好似供大聖爺會放，大聖到會響.

malouis

大聖泵，依家好多地方都冇得賣，後生一代聽都未聽過，就算搵到好多都唔會響。

放下啦

MartinYuen 發表於 25-9-2022 15:53
聽過，好似供大聖爺會放，大聖到會響.

師兄係啊，到就會悶聲響一下，

聽講大聖爺好活潑，好多時晚上先來，

之前有個壇，大聖爺到，個ping pong會爆，後面壇主頂唔順，同大聖爺請求注意一下，唔好浪費，就無再爆過囖。

放下啦

malouis 發表於 25-9-2022 16:08
大聖泵，依家好多地方都冇得賣，後生一代聽都未聽過，就算搵到好多都唔會響。 ...

聽講工藝師傅都退休左，以前靠台灣師傅做，同台灣入口，宜家可能唔容易搵到。

用科學角度，估計係用中學物理既諧振課題，用音叉震碎玻璃杯類似，如果頻率唔同，就唔會響的。

如果真係咁，會唔會唔同神佛，有唔同頻率，做對頻率，就會嚮呢嘿？ 好有趣渦。

放下啦

中文係唔係叫 呯泵 呢？

malouis

放下啦 發表於 25-9-2022 16:28
聽講工藝師傅都退休左，以前靠台灣師傅做，同台灣入口，宜家可能唔容易搵到。

用科學角度，估計係用中學 ...

係溫度與氣壓導致個泵會響。以前小弟家中長輩有拜神，家中神壇有大聖泵。大聖泵通常係放香爐後面，當香火鼎盛時（通常中秋新年家人親戚聚集，多人上香俾祖先），溫度上升，令旁邊大聖泵內空氣膨脹，使得極薄的玻璃大聖泵產生響聲，平日好少會響。

放下啦

malouis 發表於 25-9-2022 17:01
係溫度與氣壓導致個泵會響。以前小弟家中長輩有拜神，家中神壇有大聖泵。大聖泵通常係放香爐後面，當香火 ...

咁好有趣，如果係香火同溫度，咁就同到唔到位無關囖，呢個係唔同既經驗故事。

我以前聽d修法科師兄講，個泵好多時晚上嚮，夜晚無燒香，呢個係另一個經驗故事。

希望有多d師兄出來分享唔同經驗，真係幾有趣的。

以前香港有個Dr. 威，佢好多時用科學來解釋一d現象，都好耐無見佢囖。

Johnny

MartinYuen 發表於 25-9-2022 15:53
聽過，好似供大聖爺會放，大聖到會響.

Jason36

家師個法壇上有 , 現在好難買到