閒來話佛牌保唔保值

放下啦

十幾年前，小弟比較常到佛牌店，搵店主師兄傾解，

一坐可能几個鐘，好多時會碰到各式各樣的師兄牌友，有d會帶高價牌來換錢，話等錢使咁，

通常店主師兄，會拿出德國蔡斯放大鏡，經一輪鑒定，決定收定唔收，

我當然唔會出聲，打擾佢兩位，但係留意到，一般系開市場價6至7折，法相靚的，可能會高少許，其他普通牌一般都唔收，除非係之前由店賣出的。

通常帶牌來既師兄，開始都接受唔到個打折價，但係亦見過好幾個師兄，後面又返轉頭，按打折價換錢。

近日見有d師兄提到，話佛牌當做投資，按自己經驗，熱門牌，唔等錢使，好有耐心，有可能會賣到市場價，留意到通常都唔得，要有個折頭吸引人交易。

如果等錢使，熱門牌可以找牌商，打折價立即換到錢，其他普通牌，就打折，都未必可以立即換到錢囖。

咁大家話，呢種情況，佛牌算唔算係好投資呢？

大家來吹下水，交換意見，分享經驗。

denniswing3339

諗起子華神既棟篤笑，投資係有風險

放下啦

denniswing3339 發表於 30-8-2022 23:53
諗起子華神既棟篤笑，投資係有風險

係吖，如果市價4萬，6折價是2萬4，落差太大，的確好難接受嘛，唔等錢使，唔會咁放牌。

KitchunWat@FB

高位入低位出。再高位入低位出，無限輪迴

放下啦

KitchunWat@FB 發表於 31-8-2022 00:10
高位入低位出。再高位入低位出，無限輪迴

哈哈哈，如果反過來，就人間仙境，低位入高位出，再低位入高位出，同樣無限循環。

KitchunWat@FB

放下啦 發表於 31-8-2022 00:19
哈哈哈，如果反過來，就人間仙境，低位入高位出，再低位入高位出，同樣無限循環。 ...

牌商咪系甘羅，幾好利潤。熱門牌低收高放，普通牌就賣左吾收

放下啦

KitchunWat@FB 發表於 31-8-2022 00:27
牌商咪系甘羅，幾好利潤。熱門牌低收高放，普通牌就賣左吾收

其實以前都有問店主師兄，佢話店面有燈油火蠟，資金被壓的利息損失，個個月都被消耗出去的，無相當水位做保障，維持唔到，因為高價牌雖然有口碑，都唔系話，好快可以賣到出去。

VANGO

有時d舖頭都幾怪，入埋堆冷門牌冷門模 見好耐都未散到貨
唔明點交祖....

另一種就不停入新貨，但個師父google完相都搵唔到
見間野有賣討論區禁止用陰法既龍婆/古巴，唔敢亂買
廢事中招

講返正題 放比舖頭最唔著數囉
驗屍咁驗,仲要用低價收

malouis

當做長線投資自己及家人來生福報，非可金錢量化。

伍仔

無錢又真係好痛苦既，我對那些高價入再低價出，無限輪迴的師兄，深表同情，所以有Unite討論區真好，最少喺度放牌，最多賣唔出，有啲運仔既，最少好過出面放俾牌商既！哈哈！