Unite 香港佛牌討論區

設為首頁收藏本站

Unite 香港佛牌討論區

 取回密碼
 新會員登記

QQ登錄

只需一步,快速開始

Login

免註冊即享有會員功能

搜尋
檢視: 708|回覆: 6

20種男人,女人打死都不要嫁!

[複製連結]
發表於 22-3-2012 20:40 | 顯示全部樓層 |閱讀模式
本帖最後由 sheep 於 22-3-2012 20:40 編輯

女人,無論智商有幾高,對男人都總有「走漏眼」的時候,尤其感情會令人失去理智,甚至明知愛錯了,還是會說「重頭來過,還是會嫁他」…。為免嫁錯郎後悔莫及,各位姊妹,在戀愛時還是要理智一點,看清身邊男人是否值得托付終身!

1. 有自戀傾向的男人:經常有意無意「哂命」,哂人工、哂才華、哂物質,自命條件極佳,暗示佢「睇得上你」係你行運。呢種男人只會活在自己的世界,難以真誠地與人溝通,心入面只有自己是最好的,其他人都不算甚麼,包括你再內。

2. 曾經出軌的男人:一次不忠,百次不用,習慣花天酒地的男人,在他的眼裡「女人如衣服」,而換衫就如同心癮一樣,唔好奢求佢會放棄呢種嗜好。

3. 沒膊頭沒腰骨的男人:自己做的事要敢於承擔,一有事就推卸責任,走都走唔切,要身邊的人幫手擋戰的男人不但卑鄙而且可恥,嫁得佢預左蘇州屎都有排你掃,真係執到都喊三聲。

4. 講大話不眨眼的男人:與說話無句真的男人相處得得耐,會變的疑心超重,因為完全估唔到佢幾時真幾時假,結果只會被耍得陀陀擰,註定要蝕底。

5. 戀愛經驗過多的男人:身邊永遠要keep住幾個「深愛我的紅顏知己」,對象換完一個又一個都覺得唔理想,即使己有伴侶仍然想搵個更好,不斷騎牛搵馬,鐘意周圍撩女仔玩曖昧,永遠在尋找「真愛」,其實最愛的只有佢自己。

6. 與父母關係欠佳的男人:一個人與父母家人的相處模式,或多或少就係佢處理婚姻關係的潛意識。如果佢同父母溝通不良,或到處結怨,當你同佢成為家人時,亦唔見得可以好好相處。

7. 一貧如洗的男人:愛情係重要,但都要建基於麵包之上。所謂貧賤夫妻百事哀,如果一個男人三餐不繼,個個月連奶粉錢都同供樓錢都成問題,甚至負責纍纍,你跟著佢只會得個捱字。所以女人千萬不能感情用事嫁給窮光蛋,除非自己好有錢。

8. 斤斤計較的男人:窮都唔係最可怕,最難頂係對任何事都斤斤計較。已經唔係學生哥,但所有洗費都AA制,連零頭也不放過。呢種吝嗇小氣的男人心胸一定狹窄而且小心眼,嫁得畀佢,肯定唔餓死都激死。

9. 吃軟飯的男人:不求上進的男人如同寄生蟲,一心只想靠女人來養,對女人更不可能有真心可言。如果佢厚面皮到開口問你借錢甚至要零用錢,就真係早飛早著。

10. 任何事都彈三彈四的男人:佢對任何事都睇唔上眼,不斷數落身邊朋友,甚至貶低歷任女友,即使佢「勉為其難」揀左你,都會繼續樣樣嫌三嫌四,婚後肯定有排你受!

11. 經常粗口爛舌的男人:動不動就用三字經問候人的男人一般都脾氣暴燥,非常容易動怒,婚後一定要飽受言語上的暴力,點解要自己咁辛苦?

12. 打女人的男人:呢種人一旦發起脾氣,芝麻綠豆大的事都可以鬧得天翻地覆,除非你有當沙包的興趣,否則婚前就有暴力傾向的人,在婚姻中一定是一顆不定時的炸彈。

13. 好食懶非的男人:男人可以無錢,但唔可以無上進心,否則將來日子點過?唔通要靠女的養?日日不務正業無所事事,或做邊一行都不長久的男人,實在嫁不得。

14. 過分沉迷不良嗜好的男人:有嫖賭吸毒傾向的男人固然唔洗諗,但即使是過酒癮/煙癮太過嚴重或太沉迷投機炒賣都唔係咩好事,最怕係婚後變本加厲,遭殃的只會是你。

15. 前科累累的男人:唔好被電視劇洗腦,以為江湖人物都義字行頭,即使你確信佢對你有情有義,但嫁給一個會作姦犯科、惹事生非的麻煩製造者,就算唔洗幫佢收拾爛攤子,都終日提心吊膽,邊會有幸褔可言?

16. 奸詐狡猾的男人:機心重的人,一般比較冷酷無情而且唔會真誠待人,為求達到目的不擇手段,甚至會利用身邊人,實在難以睇穿佢對你是真心定假意,長遠落去只會演變成愛猜疑的心理,實在嫁不得。

17. 用情不專的男人:雖則世上並無不「花心」的男人,但有「有自制力」的男人,女人要的只是男人的專一。江山易改本性難移,婚前喜歡到處留情的花心男,唔好妄想佢婚後會為你改變,何苦用一生去苦等?

18. 開口埋口「阿媽話」的男人:咩事都由阿媽出面的裙腳仔,又依賴又無主見,何況阿媽叫佢行佢唔夠膽企,同佢結婚你肯定大把冤屈氣要受,除非是你肯做佢第二個阿媽啦。

19. 過分大男人主義男人:唔浪漫唔細心都算了,但要你百分百服從的大男人,開口埋口只會話湊仔係女人的事,洗衫煮飯是女人的事,衣來將手飯來張口,將老婆當工人,收工同朋友食餐飯講個電話都要管你,嫁得畀佢肯定心力交瘁。

20. 對他毫無感覺的男人:一個男人由頭到腳都無問題,五官端正、事業有成、細心體貼,可以話無可挑剔,但你就係對佢無感覺,同去街完全唔上心,只係唔甘心放過一個條件不錯的老公人選…。算了,你都係放過佢吧啦。

評分

1

檢視全部評分

發表於 22-3-2012 20:42 | 顯示全部樓層
會唔會有「20種女人,男人打死都不娶」{:6_293:}

評分

1

檢視全部評分

回覆

使用道具 檢舉

發表於 22-3-2012 20:46 | 顯示全部樓層
激讚{:6_327:}, 各位女士們真係要注意啊{:6_341:}
回覆

使用道具 檢舉

發表於 22-3-2012 21:07 | 顯示全部樓層
{:6_304:} 20種女人,男人打死都不要娶?{:6_293:}
1. 有自戀傾向的女人
2. 曾經出軌的女人
3. 沒胸部沒長腿的女人
4. 講大話不眨眼的女人
5. 戀愛經驗過多的女人
6. 與父母關係欠佳的女人
7. 一切看錢的女人
8. 斤斤計較的女人
9. 吃定你的女人
10. 任何事都彈三彈四的女人
11. 經常粗口爛舌的女人
12. 會發癲的女人
13. 好食懶非的女人
14. 過分沉迷不良嗜好的女人 (打牌?)
15. 前科累累的女人
16. 奸詐狡猾的女人
17. 用情不專的女人
18. 開口埋口「阿媽話」的女人
19. 過分女強人主義女人
20. 對他毫無感覺的女人

{:6_336:}世事無完美 選擇為相對......
當你為選擇開出條件時 他人亦可以開出相同條件........
有意思嗎?

評分

1

檢視全部評分

回覆

使用道具 檢舉

發表於 22-3-2012 21:48 | 顯示全部樓層
哈,世上是有些人总是犯贱的,一个愿打一个愿捱也没法
回覆

使用道具 檢舉

發表於 24-3-2012 16:44 | 顯示全部樓層
女人在感情方面往往不由自主地會成為弱者,所以要學慬感性之餘,也要有理性,不能無底線地去處處包容,要記住真正愛你的人是會顧及你的感受的......
回覆

使用道具 檢舉

 樓主| 發表於 24-3-2012 19:48 | 顯示全部樓層

認同你的觀點
回覆

使用道具 檢舉

你需要登入後才可以回覆 登入 | 新會員登記

本版積分規則

QQ|小黑屋|手機版|網站地圖|聯絡我們|Unite Thai Amulet Forum (HK)    

GMT+8, 7-12-2016 04:07 , Processed in 0.078833 second(s), 26 queries .

Powered by Discuz! X3.2

© 2001-2012 Comsenz Inc. | 正體中文: [數碼中文坊]

快速回覆 返回頂端 返回清單