分享一個親身故事

佛牌愛好者Leo

阿贊速 那朗澤鍍金，相信大家都耳熟能詳。
我戴左那朗都2年幾，雖然途中都會換下牌戴，但係那朗始終無放低過。
宜家有尊子彈作收藏，一尊紅銅作日常佩戴，但係兩者帶比我嘅感覺都差唔多，物料應該影響不大。

有一件幾特別嘅故事分享：

我訓教就通常會將戴緊嘅牌放係床頭上面。
有一晚，我發左個好奇怪嘅夢，唔知大家有無睇過Inception？
我係個夢入面就訓緊係自己張床到，我一起身，眨一下眼，我又訓翻係張床度，再起身，眨下眼，我又訓左係張床到，
每一次起身就好似會損失一啲力氣咁，輪迴唔知幾多次，直到我記憶入面嘅最後一次起身，我無曬力，要拉住窗簾起身。。。

我都唔知個夢有幾多層，到我覺得自己真係醒個下，迷迷糊糊，我唔確定自己係咪真係醒左，但係今次就無進入輪迴。
不過就聽到有 E~~~~E~~~~ 嘅怪聲(有少少似笑聲？宜家記憶已經好模糊)，因為好明顯係我間房入面，當堂起曬雞皮，心跳加速，
然後天花板傳出類似用扇刮牆嘅聲，但係問題係我樓上係天台黎，理應無人，我睇翻個電話，顯示凌晨4：14分。。。
我二話不說，即刻伸手去床頭，扯塊佛牌落黎，即刻戴住默念佛首經同澤鍍金經文，然後念完無耐我就訓著左。。。

第二朝如常起身，諗起夜晚嘅野，都毛管棟，本身我都以為係夢黎，但係我望住自己頸上面尊那朗，我相信個晚嘅野可能係真...

Merlion_L

師兄的分享產生另一個問題，其實「污糟嘢」會唔會怕佛牌？

pmxsl

我都試過就係以前未接觸佛牌嘅年代，間中比鬼壓，但後來一接觸佛牌後，就無試過了。所以我覺得任何佛牌都有基本擋鬼功效，即係擋左對你唔好嘅鬼，但又唔會完全擋晒鬼，因為我幾次眼見靈異事件都係帶住龍婆孔嘅牌。

VANGO

我覺得龍婆艮，坤平偏招財，人緣未必有擋鬼功能，但其他天神/佛多數有擋鬼功能，同埋擋鬼唔代表入唔到嚟，只係帶個保護罩咁

佛牌愛好者Leo

Merlion_L 發表於 16-7-2022 20:06
師兄的分享產生另一個問題，其實「污糟嘢」會唔會怕佛牌？

我都唔知，但係戴左牌，個晚訓覺就訓得好安穩。

佛牌愛好者Leo

pmxsl 發表於 16-7-2022 20:56
我都試過就係以前未接觸佛牌嘅年代，間中比鬼壓，但後來一接觸佛牌後，就無試過了。所以我覺得任何佛牌都有 ...

類似經歷 之前龍婆了財龜都試過，塊牌係黑左，但係兩個禮拜後，尊牌 '達' 黑色無左，好神奇。

佛牌愛好者Leo

VANGO 發表於 16-7-2022 21:21
我覺得龍婆艮，坤平偏招財，人緣未必有擋鬼功能，但其他天神/佛多數有擋鬼功能，同埋擋鬼唔代表入唔到嚟， ...

有啲牌好似係令你遇唔到，但係有戴開牌之後，唔戴牌嘅時候，遇到朋友仔嘅幾率好似高左...

pmxsl

佛牌愛好者Leo 發表於 16-7-2022 22:57
類似經歷 之前龍婆了財龜都試過，塊牌係黑左，但係兩個禮拜後，尊牌 '達' 黑色無左，好神奇。 ...

竟然龜牌都有依個功效

MartinYuen

多謝分享，佛牌驅鬼比較少聽到

佛牌愛好者Leo

MartinYuen 發表於 17-7-2022 11:36
多謝分享，佛牌驅鬼比較少聽到

老實講，到宜家我都仲諗緊會唔會係幻覺…
但係感覺好真實.