好耐無上水，分享下我宜家戴緊嘅牌

佛牌愛好者Leo

由岩岩畢業搵第一份工開始戴牌，眨下眼戴左佛牌3年，時間真係過得好快！
而我都一段時間無關注佛牌資訊，上黎都係志在同師兄吹下水。
疫情都困左我地好耐，印象中以前個種生活好似場夢咁，同時宜家嘅生活模式都變左好多。

師兄師姐們一切順利嗎？


分享下，我宜家戴緊 龍婆了2537熟濟九寶銅財龜；期間一直係阿贊速2549那朗，阿贊刁2545四面神，同埋呢塊財龜之間交換戴。


唔敢講飛黃騰達，但係就比左勇氣我一直跨出舒適圈，亦都睇化左啲野，財龜幫我擋左好多意外，
就好似上個禮拜同friend行山行行下見到頗粗嘅樹枝係我地前面跌左落黎，行快一步可能都受傷。


不過今日就主要分享 我戴 龍婆了2537 熟濟九寶銅財龜 嘅特別故事：
係2021年，有一日同朋友去挑戰一座我地能力應該負荷唔到嘅山【本身行開山，以為自己夠能力】，行左8個鐘都見唔到盡頭，
個下已經知道大鑊，但係已經無得翻轉頭，係山上面斷水斷糧斷電，全憑意志堅持，個陣真係覺得原來有啲野可以黎自己咁近，
我好記得個陣我攰休息嘅時候，就攞塊牌出黎，祈求可以安全落山，係行緊嘅途中遇過幾次危險，一次係差錯腳，差啲跌落山，
情急下一手捉住一條好幼嘅樹桿，但係見佢即刻裂開左，不過好彩無斷到，身邊嘅朋友都嚇左一跳，我覺得係塊牌幫左我。
其實途中都多危險不斷，主要係我地已經好攰，無乜體力，係行左11個鐘頭左右，終於見到一絲希望，見到地圖個定位已經接近終點，
預計行多2-3個鐘就可以結束。 咁我地繼續行啦，有一段斜坡要向下行，咁左右兩邊都係涯，不過條路闊嘅，我行行下唔小心滑親，
差啲滑出涯，但係滑到黎涯一個身位就停左，我個friend都驚呼左一聲，好彩無出事。
途中我同朋友們互相照應落山，感覺真係好好。

我唔後悔上呢座山，雖然驚險辛苦，但係感受到朋友嘅真心，亦都覺得佛牌真係有保佑我。
而且呢件事之後令我覺得，雖然金錢，感情對我地都好重要，但係前提係擁有生命，健康嘅身體，
宜家嘅自己好似無以前咁計較，同樣追求牌嘅心態好似都無咁旺盛，因為發覺自己請完都係戴翻呢3尊牌...
希望各位師兄師姐搵錢之餘，記得注意休息，身體健康。

至於澤度金，四面神就之後再同大家分享。

Merlion_L

龍婆了的財龜，「熟濟」係最值得供請的其中一期！

pann

正呀！多謝分享

Kenny0729

謝分享

VANGO

財龜的確唔錯，我唔係帶龍婆了但帶個時幾開心，未來有機會一定請塊

得意仔

戴牌領略到覺悟，將來成就更大。戴牌戴到執迷不悟，只有一剎那光輝，沒有天長地久！花無百日紅。生老病死！親離死別！是必然定律的。實話實說

alan8hk

我都好耐無上水，多謝Leo師兄分享
心態真係好重要

恭喜師兄既覺悟

塊熟濟好靚

佛牌愛好者Leo

Merlion_L 發表於 9-6-2022 13:07
龍婆了的財龜，「熟濟」係最值得供請的其中一期！

36 37的確較多人認識。
師兄戴嘅婆既祖師都很好！

佛牌愛好者Leo

得意仔 發表於 9-6-2022 17:27
戴牌領略到覺悟，將來成就更大。戴牌戴到執迷不悟，只有一剎那光輝，沒有天長地久！花無百日紅。生老病死！ ...

不敢說覺悟，但至少覺得平安健康已經很難得，當然生活質素還是會想靠自己努力提高。師兄說得很好，感謝。

Merlion_L

佛牌愛好者Leo 發表於 10-6-2022 09:28
36 37的確較多人認識。
師兄戴嘅婆既祖師都很好！

帕固伴的聖物係我帶佛牌以來最夾到的！相信龍婆了的財龜對師兄都係一樣最夾到！