佛牌會找主人(一)

phantom

已好久沒有發文了，想緩和一下現時疫情的緊張氣氛，所以寫了一篇關於我的佛牌故事，希望可以幫各位牌友增加戴佛牌的信心；回復後看文

言歸正傳，今次分享的故事是發生在2000年左右，那年代在香港賣佛牌的店舖並不像今天般蓬勃。當時經朋友介紹下認識咗一位牌商，從此我就經常去他店舖交流一吓佛牌心得，當然亦有請牌啦。記得有一次他剛從泰國回來，我就早早跑去他的店舖尋寶，當時我就畀一塊新番到的師傅自身牌吸引住，呢塊自身牌的外型獨特，從牌商口中知道牌裡面位師傅叫『龍婆添』(即今天鼎鼎大名的側頭添)，不知何解當時內心好崇敬同仰慕呢位師傅(相信是緣份吧)，而且很想請走個牌。

當年塊牌開價港幣二千元；香港人在那個尚未了解泰國佛牌的年代，肯用二千元去請一塊牌，可以話是好貴了！所以我沒有即時請走，說要回家考慮一下。當然果晚非常掛住塊牌(哈~好有初戀嘅感覺)；所以到第二天朝早就衝去㩒錢拎牌！可惜…可惜…事與願違，原來我昨晚走後，塊牌就畀人請走了。哎！果陣真係感到後悔！

事情又不知不覺過咗差不多十年，在牌友介紹下認識咗一位泰國老華僑；老華僑的正業是做貿易生意的，而副業就是買賣佛牌，經常泰國、香港兩邊走；他到香港時會約我出來睇牌。有一次佢就拎咗塊師傅牌出來畀我睇。咦！點解呢塊牌咁熟口面嘅？咪當年畀人請走果塊側頭添自身？！？
點解我睇一眼就知係同一塊牌？因為果塊係少有uncut version嘅試模版自身，所以我一睇就認得。

從老華僑口中得知塊牌原來係佢同人換番來的；並對我講塊牌價錢唔貴。咦~正喎！我當然二話不說，立即畀錢拎牌走人，深恐佢會突然反口不賣。哈~果種失而復得的感覺真係非筆墨可形容。

為咗確認吓塊牌是否以前畀人請走果塊，就趕回家登入牌商的網頁去對照一下(當年Smartphone未普及)，哈~哈~果然是同一塊牌來的！只是由防水膠殼換成了一個訂製的鋼殼吧。

雖然目前我並不是經常佩帶這塊牌(因太多牌了)，但肯定塊牌是我至愛收藏之一。有牌友可能會問，當年你重遇這塊牌時，龍婆添聖物的價位已經好高企啦；以老華僑咁資深嘅泰國牌佬肯賤價賣畀你，是不是假牌嚟㗎？

這個我認為不會；因為︰

1) 老華僑根本不知道此牌的來龍去脈，可能心裡不太相信會在泰國以外的地方找到好東西，對此牌或許抱著半信半疑的態度，所以才會輕易將牌放出；

2) 當年那牌商亦同時引入了另一塊高價的側頭添自身牌；而這塊高價牌曾參加過一場大型佛牌比賽，而且獲得第一名及全塲總冠軍；記得當年牌商對我說，這高價牌與我那塊自身牌是來自同一位佛牌收藏家嘅貨源。


雖然佛牌會找主人，但呢個世界又怎會有咁多著數同奇遇呀？所以在此奉勸各位牌友勿以撿漏的心態去找牌，否則可能會得不償失！

Merlion_L

支持下！
如果有圖就好啦

只要相信

睇睇先，thanks

FHorse98

有緣自然遇上~

Tofu

支持師兄嘅分享

ncwaing

See see thanks

gm8888

多謝分享！

napoleon

See see sin

眼镜蛇

看看呗

axsou

kan kan