新手多問，求師兄們解答

goma

各位師兄，小弟係新手。小弟本身2019年尾已被炒咗，見工或自己搞生意都好唔順，覺自己好廢，每朝起身都唔知為乜，足足失咗業起過1年半。自3月起，小弟開始戴佛牌，戴咗後，兼職嘅機會同見工嘅機會都陸續出現，近排仲終於見成一份工添，唔知師兄有冇類似嘅感覺，就係好似自己嘅人生本來被整個打碎，但終於可以一塊一塊執返上嚟砌返佢，所以我真係好感激佛牌嘅幫忙，希望喺度吸取多啲知識，睇下會唔會搵到多啲啱自己嘅佛牌，當然善事都要多做，我星期四便首次去九龍城供僧，以後都會盡做。以下有幾條問題，希望師兄們如果得閒嘅就解答一二，小弟萬分感激。

1. 請問各位喺邊度請佛牌呢？有冇佛牌鋪可以推薦？(我有爬文，知道喺度請係好，而我睇拍賣區啲師兄嘅起標價真係好佛心，但唔知要幾時先遇得到想要嘅牌，亦好似冇專業人士喺旁邊講解唔知啱唔啱自己)？如不方便公開講，請PM小弟。
2. 請問當師兄們的牌越嚟越多，會點取捨邊塊掛上頸呢？譬如會唔會一有新牌，就單掛嗰隻新牌先，睇下夠唔夠力，先睇下會唔會將啲本來掛緊嘅舊牌換落嚟？
3. 本人一直有注意力不足同鬥心不足嘅問題，試過做咩NPL或催眠都解決唔到。聽講魯士可以幫到前者，哈努曼可以幫到後者，各位師兄可唔可以推介一下，當然小弟無力買天價牌，幾千蚊已經暫時係極限了。魯士方面係咪龍婆碰瑪、龍婆朗同龍婆駕龍？哈努曼方面係咪龍婆判、龍婆駕龍同龍婆富？
4. 好似成日見到有啲十成新嘅牌，但嗰師父明明圓寂咗都成幾年至十幾年，點解仲有新牌？
抱歉問題稍多，但師兄如果唔得閒，解答一、兩條已好感激，先行道謝。

denniswing3339

小弟分享個個人心得
1.拍賣區一定係最佳選擇之一,但如果師兄心急想請想要既牌可以開po問下有無其他師兄有,另外我pm幾個個人認為唔錯既佛牌鋪比你
2.我從追功效去到依家變成習慣,可能真係比佛改變左我,成個心態都唔同,依家更多既係對佛既尊重
3.我戴緊崇笛坐哈努曼,雖然唔係同一樣野,但鬥志明顯有增強,做事有一種永不放棄既心態,所以哈努曼應該幫到你,小弟會推薦龍婆茂
4.呢樣就真係唔知喇,同樣想請教其他師兄
希望以上心得幫到你

alan8hk

其實唔洗咁複雜喎，師兄信佛，帶一塊佛牌，提醒自己係信佛已經夠了

MartinYuen

香港仲有好多人真係需要幫忙呀，唔好成日淨係去供僧供廟啦 . .

MartinYuen

師傅幫到你經濟運程就去供？ 弱勢社群一定回報唔到畀你， 你就唔會諗幫下佢哋？

VANGO

1:首先睇下有冇賣狐仙,陰牌,是旦一樣都有唔好去,反而你問我邊間真係答你唔到,可能封關問題,想要既聖物一件都唔見

2:正常有新牌會試下一星期先,ok就會同時間帶2塊睇下點

3:我覺得順眼同價錢最緊要

4:可能係記念位師父

VANGO

善事方面,孝順父母(正常人),幫助有難處既人就足夠
我個人覺得就算供憎但平時對父母一d都唔好既人,供完都係無用

得意仔

做人最忌無良心！戴返幫你揾工個塊牌先。等你工作同生活穩定下來，先慢慢做善事，善事係隨意、隨心做，不是刻意攞來做的！你想要功德？未必今世有？今世債未清！何來有功德

rambo23

1.关键睇你自己需求，事业？健康？人缘？挡险？等等，个人推荐带崇迪
2.一般带带下，会越带越多，再带带下，又会越带越少，唔需要惆怅，顺其自然
3.虎头鲁士或者哈奴曼应该都可以试试
4.睇年份，师傅圓寂前出的牌，放了好多年冇人带，好新唔出奇。如果师傅圆寂后出的牌，可能系弟子复刻牌

lonok

個人分享
1.拍賣區真心係首選啊. ((有時唔需要太刻意,緣份到你就會搵到,你揀牌時,牌揀你))
2.唔需要太執著力量既問題, 每尊都係好聖物((正牌))
   至於想帶邊尊有時真係好睇你果排個心意.
<<<舉個例,如果有其他人話你知某尊好有力,但你自己個心唔係最偏愛果尊, 帶上頸你心都未必最順>>
3.個人比較喜歡龍婆茂 哈努曼 (但長氣d 都係果句, 存善心,做好事,相信佛牌, 事情慢慢會變好)
4. 可能有人比較喜歡收藏為主