眨下眼,小弟戴佛牌都有1年多啦。從一開始接觸佛牌,到加入Unite,出第一個post就係分享那朗澤度金。之後都有一直請牌,途中當然學費都交過唔少,亦都遇到好多好師兄師姐結緣佛牌及指導(特別係本壇嘅師兄),係呢度都多謝翻佢地。 請過咁多尊牌入面(當然對比一些前輩,我還是small potato),始終對我最夾嘅都係那朗。 我慶幸自己升級左子彈殼那朗,但係都後悔自己出讓左我本身尊鉛那朗,明明都好好力,點解因為想試其他牌而選擇左出讓。 BTW 之前都唔知咩事想出讓埋自己尊子彈殼去換取傳聞中更強勁嘅佛牌,好彩最後有位師兄勸阻左我。 講完一大堆,主要想分享一下我戴翻 那朗 嘅經歷: 1) 每年農曆年尾,作為一個打工仔,當然最希望就係可以分錢過個肥年,不過疫情下嘅經濟差到一個點,老實講唔失業都偷笑。我本身都預左分好少或者甚至無,但係估唔到今年分嘅錢,甚至多過我之前得嘅錢。我都覺得驚喜,亦同時感到慶幸,因為屋企人暫時無野做,我可以攞呢筆錢返屋企,家人都輕鬆翻少少,援解左財政壓力。
2)農曆新年期間,去下朋友屋企食飯,打下牌在所難免。小弟無乜賭運,所以從小就唔鍾意賭,賭親都輸。今年係朋友盛意拳拳邀請之下,去左食飯打牌,去之前我因為真係唔想輸錢,宜家嘅環境真係多個錢旁身會好好多。我心諗住塊那朗,希望唔輸錢就OK,個心定翻少少。 食完飯,朋友開始set枱打牌,咁我唔識打啦,朋友就好有耐心咁教我,一開始真係贏錢,唔算多,但係一直有錢入袋,見到自己籌碼越來越多,我個心就開始好想贏錢,一有呢個諗法,我發覺我就開始輸錢,一直輸,輸到最後好似得翻好少籌碼,我個心個下清醒左,好懊悔自己起左貪念,呢個時候有位新認識嘅朋友同我講左一句我凈係係電視聽過嘅說話:見你輸錢,咁啦,我幫你打,贏左你嘅,輸左我嘅。最後個位朋友幫我倒贏翻一餐午餐嘅錢。後尾諗翻,話唔定係師傅同澤鍍金天神嘅教導,所以覺得幾神奇。
3)農曆新年,當然免不了收利是。‘恭喜發財,身體健康!’8字真言,淘個喜慶。今年疫情無得翻鄉下探親,利是居然比之前多兩至三倍。
4)上個星期去左行山,哇,條山路崎嶇到,本身以為1-2星應該唔會好難行(後尾上網睇,原來係3-4星嘅山黎)跟住落山個度唔小心仆低,膝頭擦到舊石,好彩用手扶左扶,翻到屋企睇下個膝頭,只係紅左少少。
經過Unite論壇師兄點醒,自己宜家都會捐下錢,對人好D,希望眾生包括自己都越來越好。
其實可以改變到我心態嘅牌,助我變得正面少少,已經好夠,期待之後繼續有得分享。
多謝大家比面睇曬
|