親身體驗拉胡天神的大威神力

phantom

話說呢件事件已經發生咗好幾年，由於當時覺得都幾震撼，而家仍然感覺歷歷在目，真正親身感受到拉胡天神嘅大威神力。 呢件事係發生响我朋友個時裝店度，我呢位朋友因為經常同老婆仔女去泰國玩，所以好喜歡泰國文化，甚至學埋泰國人咁戴佛牌，但對佛牌的知識就非常之皮毛，所以好多時都會向我請教吓啲佛牌知識；而今次故事嘅主角就係發生响佢其中一個撈偏嘅客仔身上。

事緣有次我去朋友間鋪度吹水，突然有幾個神色慌張嘅熟客（撈偏果班）走入嚟；同我朋友講：師傅（心諗呢條衰仔幾時變咗師傅？），我個兄弟好似賴咗嘢（撞邪）！跟住七嘴八舌講晒成個故事出嚟。原來佢哋位兄弟真係唔識死，可能因為有異性同行，為咗顯示自己有幾威猛，就夜晚响公園度口不擇言，不但止响處講鬼故，更出言挑釁鬼神，而果晚正正就係七月十四；第二日口不擇言條友就好似變咗第二個人咁，成個人痴痴呆呆，叫極佢都無反應。我朋友就問佢位兄弟係邊？佢哋話係附近，有其他人睇住，話晏啲帶佢入嚟。班友走咗後，我朋友就問我可唔可以幫手（我心諗你條友扮師傅終於出事啦）!算啦...橫掂都唔係經常遇到，又可能未必係真呢？咪當睇戲囉~~
大約過咗10多分鐘，真係成班人拖住條友入嚟，我見雖然有成四個人拖住佢，但都好似好吃力咁？ 心諗今次真係有料到啦..媽呀~~ 隻嘢可能都feel到有殺氣，由呆滯的神情突然變得好兇惡，不停咁掙扎仲用兇惡嘅眼神「睥」到我哋實一實，問佢係邊個？竟然爆粗問候我哋，仲話要攞我哋命! 頂佢個肺呀，雖然當時個心有啲淆，但話晒自己都有修過下法（雖然好懶），無理由俾隻嘢大到架!於是我就响個袋度摷咗塊拉胡出嚟定吓驚先! 嘩~~點知隻嘢見到塊牌後反應好大，眼神即時變得好恐懼，繼而全身好似無晒力咁瞓咗响地下度，過咗幾分鐘後，見佢慢慢起番身同埋開始清醒啦；當然事後亦教佢做番啲補救嘢，結果無事囉!


睇咗咁耐~相信各位都好心急想知，究竟係咩拉胡？...都係果句，回覆後可見!

忘川～

感謝分享

Psp88

感謝分享

aver133

seeeeeeeeeeeeeee

pmxsl

依個論壇應該唔會有人唔識拉胡吧
any肥，留名學野，謝謝分享

pmxsl

pmxsl 發表於 7-2-2021 07:50
依個論壇應該唔會有人唔識拉胡吧
any肥，留名學野，謝謝分享

讀寫障礙睇錯「究竟咩係拉胡」

大嬴家

感謝分享

FHorse98

留名睇故~謝謝分享

Han000

Thanks for sharing

tattat_1223

故仔麻麻謝謝分享