希望所有新手唔好犯同我一樣既錯。。。

Wu74123kit

大家好，我係一個接觸左佛牌都唔夠一個月嘅新手，點解會接觸佛牌？其實我係賣水晶嘅，一個機緣巧合之下有朋友問我關於泰國力泥嘅事。
自問好奇心超強既我，就開始到處睇咩係力泥
最終就變成我想請佛牌，其實都冇話刻意有咩原因去請，由於身邊都冇朋友喺帶佛牌，係屋企人會拜四面神，我就自己上網搵唔同嘅牌商，最終搵到一間，我直接同佢講我想請四面神，而佢當然係推介其他牌俾我啦，我聽完之後其實都覺得唔錯，我哋當時都只係喺電話度進行交談，佢都比張牌嘅相俾我睇。講埋個編號，我就覺得可能係緣份啦咁就佢請啦，去到舖頭，個牌嘅顏色卻唔係相中嗰種，更加唔係嗰一種材料，其實嗰一下好低落，覺得好似俾人呃咁，但係由於牌嗰個編號對我來講係有特別嘅嘢，我就覺得係緣份所以請咗返屋企，但係對於呢件事我一路耿耿於懷，搞到我好似好唔信個牌咁樣，都好嬲由我請咗個牌開始，問個牌商問題都對我不理不睬，我就當係自己傻啦，我自己都係做生意嘅，但從來唔會咁樣對客人，其實我真係好唔開心，我希望嚟緊會請牌嘅新人唔會煩犯同樣嘅錯誤。而家我每日對住副牌，我都唔知點咁，我諗我好快都會將個牌放出嚟，睇吓會唔會有有緣人收咗佢，自己再請其他牌，希望其他新人真係就算去店舖請牌，都可以遇到有良心嘅商人，謝謝大家

Merlion_L

顏色唔啱編號啱？

Wu74123kit

係呀，因為佢只係比網頁張相我，我問佢係咪銀，佢話係，去到卻話係其他材料，唔係銀。。。唉

MartinYuen

完全唔明， 怎樣材料不對牌？ 每尊牌一定有一啲顏色深淺，或者不同的損耗，你可以對返張卡，如覺當然有問題又為何供請？ 請了又為何好快要放返出來？

ncwaing

編號係牌商自己個商品編號？ 位置係葵X區？

Wu74123kit

當初佢講係純銀，去到話係飛機鐵，無卡的，我個下都照供請係因牌上嘅編號對我有特別既意義

Wu74123kit

你好，師兄，牌號係牌上既編號，位置不對～

MartinYuen

明白，是牌上編號對你有意義，而聖物沒驗證咭的， 飛機鐵造聖物其實都有㗎， 我見過有巴拉結或者師傅自身牌都有用這材料，又好多新牌都唔一定有出咭，原因新牌利錢不多，做假情況相對很少，如果覺得同那尊四面神有緣，請了好好佩戴就可以了，不要想太多了.

得意仔

貨不對版我試過！冇下次！新手學請佛牌，一件起，兩件止。你試過應為唔得的，唔好再請。你記住一句，牌商無真愛！

小天天

我以前都遇到一啲香港牌商, 真係好古惑, 佢地會用好多方法氹你去佢地店,

近期聽講有啲價錢都唔會報, 問網頁資料時, 佢就會叫你去佢地店先講,

成個根本就係騙局, 新手真係要小心。