|
本帖最後由 Chilam1031 於 31-1-2020 21:08 編輯
既然呢位師兄咁想拎出來講, 冇所謂, 我都可以放下對話。
首先,本人話新年開心價, 問呢位師兄想幾多錢, 做到就做, 但呢位人兄係及後回覆指係本人強逼佢出價( 放心, 我都有CAP圖)。當時此位師兄表示自己考慮下,我並無任何強留,亦表示自己成本價已經係500。及後此人兄話自己係窮人, 要求本人由560減價至550出讓,我見師兄都講到自己咁窮, 我只好答應。
但當時, 此人兄係睇完我尊牌正面, 亦還左價, 此時, 理論上, 已經完成左呢楮成交。但之後此人要求本人影佛牌之背面,由於當時我係街外,未搵到相,已申明,如果介意就取消交易,而呢位師兄亦表示取消。唯說時遲那時快,突然呢位師兄又話要入錢俾我,但本人已即時作出拒絕。及後1月1日,呢位師兄再次要求我影佛牌背後相片,我亦都再次拒絕
係1月3日的對話(圖5), 已婉轉表明,有D錢,唔係個個都賺到,亦禮貌地向此師兄作出道別。
以上係整件事的說明,亦附上對話以作輔助說明。由一開始我禮貌婉拒,到及後,本人已多番婉拒出讓,亦係1月3號向呢位師兄暗示 ''有D錢, 唔係個個都賺到'' 我相信各師兄眼睛是雪亮的,亦知悉對話中之含意。
我並不是囂張,亦不是有意違反任何版規,但有放牌的各位師兄亦明白,如果一位買家不但質疑自己聖物品相,又多次彈出彈入,一陣又話要, 一陣又話唔要, 一陣再入錢, 一陣又再話取消。我想, 你們亦唔想自己既聖物落入呢D買家手中。
很抱歉,如果我婉轉表示唔做你生意而你覺得自己有幾百蚊請牌就老奉要我放俾你,本人做唔到。
你是買家,你有錢, 有權選擇自己喜歡的聖物。
我係賣家,我未必夠你有錢,但我有權唔做你既生意
打個比方,如果你被一間店鋪blacklist, 在該店表明不做你任何生意既情況下,難道你又走入該店大吵大鬧,一定要人地做你生意?? 認為自己係客係上帝??
說穿了,你只不過覺得呢尊牌超值,自己佔便宜了,見我唔肯做你生意,所以先係度大叫大嚷罷了。
如果以上上傳之對話太過婉轉導致你上文下理理解唔到 ''我唔做你生意'' 呢個意思
在此,本人重申,我 賺 唔 到 呢 位 師 兄 任 何 錢!!!
如果係我早於1月3號已表明唔做呢位師兄生意既情況下, 而要我必須出讓佛牌俾呢位師兄,寧為玉碎不為瓦全,我願意接受版主任何之懲罰。
|
|