Unite 香港佛牌討論區

Unite 香港佛牌討論區

 找回密碼
 新會員登記
搜索
查看: 2769|回復: 28

一位對龍婆浸蘭佛牌認識唔深嘅外行人對一位自稱龍婆浸...

[複製鏈接]
發表於 28-8-2019 14:38 | 顯示全部樓層 |閱讀模式
我今天早上看見一位自稱是龍婆浸蘭徒弟的回覆,令小弟深感疑惑,不過這位自稱龍婆浸蘭徒弟的物體在unite佛牌供請區上繼續回覆我,為免影響Unite那位師兄在供請區上賣買,我只能另開新貼回覆呢件嘢!

http://www.unitehk.com/forum.php?mod=viewthread&tid=79221&extra=page%3D1%26filter%3Dsortid%26sortid%3D1&page=2

原帖在此,如大家有興趣可以點擊看看,PO內有呢件嘢植入式廣告,請大家以後多多支持呢件嘢!

首先在文章開始簡單交待一下呢件嘢嘅背景,我在Facebook上查看呢件嘢嘅朋友圈,我大概知道呢件嘢認識有關龍婆浸蘭佛牌供貨的牌商有三位,分別是P先生,T先生和P小姐。

其實賣牌咪賣牌囉!唔駛吹到係龍婆浸蘭徒弟喎!唔通認係佢徒弟可以賣貴D咩!

如果每個人去過屈淺拿住D佛牌和龍婆浸蘭影幾張合照就係佢徒弟,揾師傅係件牌上贊個符,卜吓石就係徒弟版,我估計Unite都有唔少師兄弟係佢徒弟和曾經流通過不少徒弟版囉!
143800kq0j5j5jgzfgxhg6.jpg
其實此事源於呢件嘢在Unite佛牌聖物供請區上看見另一位師兄賣龍婆浸蘭2562靈木天童,呢件嘢話人地100%抄襲佢内容,佢在供請區PO內說別人不對,其實本來也只是小事一件,話完咪算囉!我已經叫過你唔滿意可以找管理員投訴或另開新貼繼續討論,勸喻你又唔聽,既然你咁想出位,我今次就成全你,幫你係Unite起個牌坊,等你喺牌介可以揚名立萬,等每個人也可知道你現在做緊嘅嘢,有幾咁叻叻豬。

廢話我也不想再多說,當我看見PO內有疑似呢件嘢植入式廣告出現,我只是和呢件嘢說泰國現在都冇人要這件2562靈木天童,我心諗係掂嘅泰仔就唔駛減價啦!係龍婆浸蘭有口碑嘅牌泰仔都唔會呢個價賣俾你啦!現在只是泰國賣緊999฿嘅牌,只是大約港幣$258元,當中費用未包括運費和包殻錢,唔駛做生意做到咁cheap啊!要衝出來「柒」,來貨價都只係兩百幾蚊,你在香港傷風感冒睇次醫生都唔止呢個價啦!正所謂有圖有真相。
143800egduvv7blk7j1gom.jpg
回歸正題,現在應該係我回覆呢件嘢問題嘅時候了!令你久等,小弟對此事深表遺憾,因為我未能令Unite各會員早點認識你嘅真面目。

呢件嘢回覆我:

Tony Ja 帶緊係我地D師兄弟都知嘅事
您外行人唔知唔出奇
我又唔係靠出讓聖物維生 呃您有自豪感?
您講野咁有文有路 不如出黎指點世人大家研究研究
我不嬲定位都唔係賣野所以廣告呢家野真係多謝您提左我
最主要係提醒{行家}做人唔好咁懶 只會搬字過紙
係不利大眾亦好快見底 無計人有惰性,不過唔係咁樣去敷衍善信
我係徒弟並唔係商標更重要係唔好有人毀我師傅清譽


致:呢件嘢先生

1. Tony Ja 帶緊係我地D師兄弟都知嘅事
您外行人唔知唔出奇

答:你相都冇張,你話泰國前總理他信戴緊都得啦!
        所以D外行人咪好容易俾你呃左囉!
        <冇憑又冇據,鳩吹當有趣>

2. 我又唔係靠出讓聖物維生 呃您有自豪感

答:你係賣牌搵食,這是鐵一般的事實,你係咪靠賣牌為生,這個無需要交代,我冇興趣知道,呃我有乜用啊!我只是「窮L」一名,我有乜錢俾你呃到啊!

3. 您講野咁有文有路 不如出黎指點世人大家研究研究

答:現在我都未老點完你,我那有能力出黎指點世人啊!在我角度上看,世上「神棍」一個都嫌多,可惜事與願違。
不過如要給大家研究一下「何謂神棍」希望藉此PO可以做到吧!

4. 我不嬲定位都唔係賣野所以廣告呢家野真係多謝您提左我

答:你賣龍婆浸蘭D牌,出完牌你有錢落袋喎!咁樣定位都唔叫做「賣」,唔通叫「供養」,你在香港Facebook上各正陰大部份佛牌供請區,時常也見到你踪影,廣告你賣慣啦!仲駛乜我提你啊!

5. 最主要係提醒{行家}做人唔好咁懶 只會搬字過紙
係不利大眾亦好快見底 無計人有惰性,不過唔係咁樣去敷衍善信

答:果位師兄只係在Unite出過一尊靈木天童咁大把,佢都可以叫「行家」。咁你比起佢來說,你咪係一個「炒家」。你話人地懶100%抄你文章內容去敷衍善信,但你成日鳩吹無極限,自認係龍婆浸蘭徒弟,又話D牌 Tony Jaa 戴過,去欺騙善信喎!兩者相比來,似乎係你不利大眾多好多喎!


143800rjpp2yyuru8juu2j.jpg
6. 我係徒弟並唔係商標更重要係唔好有人毀我師傅清譽

答:你只是寫徒弟兩字,當然不算係商標啦!可惜你話係龍婆浸蘭徒弟呢?龍婆浸蘭已經係泰國十九大聖僧之一,咁樣去標榜你自己,假借這個名銜去出牌,唔係「商標」,唔通係「品牌」。
龍婆浸蘭的清譽,一早俾你呢類垃圾牌商毀左啦!牌都未到手,第一時間一出廟就只管賣!賣!賣!,你仲要人先付一半訂金預訂作實留牌,最叻都係你囉!


你係Unite賣正牌,只要你流通嘅唔係假牌,唔係當呢度係散貨場,其實無人會理你,人地師兄係Unite出一個半個賣牌PO,你就衝出來插柒人,唔話你衝出來「柒」,唔通要我讚你叻叻豬咩!

我呢D牌介外行人真係乜都唔知,乜都唔識,所以間中有感而發唔出奇,希望我出這個PO能令你心情舒暢,老闆舒服嘛?
來自iOS App來自iOS App
回復

使用道具 舉報

發表於 28-8-2019 17:31 | 顯示全部樓層
睇睇乜事
回復

使用道具 舉報

發表於 28-8-2019 19:34 | 顯示全部樓層
神棍
回復

使用道具 舉報

發表於 28-8-2019 22:46 | 顯示全部樓層
哈哈 有時吹大左真係好難搞既
回復

使用道具 舉報

發表於 29-8-2019 00:03 | 顯示全部樓層

多謝分享
回復

使用道具 舉報

發表於 29-8-2019 00:13 | 顯示全部樓層
其實呀 師傳應該有教徙弟 不應打著自己是徙弟而吹奏自己 師傅應該有教導處事要低調掛

何必要同全世界講你就係XXX既徙弟呢 人地抄野可以PM同人講姐 搞到咁何必呢

回復

使用道具 舉報

發表於 29-8-2019 05:25 | 顯示全部樓層
我係原po樓主 老實講 我新手一名 我放該件聖物既供金係低過同個位徒弟師兄請番黎既價錢..

而家見到泰國價錢....
算 新手係要比人殺下價
回復

使用道具 舉報

發表於 29-8-2019 05:34 | 顯示全部樓層
但 對於抄襲文章 我就需要道歉既
我亦無為求出牌作出任何誤導 呃供請者既行為

希望件事告一段落 小事化無
回復

使用道具 舉報

 樓主| 發表於 29-8-2019 11:10 | 顯示全部樓層

師兄平心而論,冇錢賺嘅生意邊個會做,返工都要老闆出糧啦!牌商一樣係人,佢地也有風險要承擔,他們一樣要賺錢過日子,有牌鋪嘅人工,鋪租,燈油火蠟樣樣都係錢,他們一樣都會有些牌係需要蝕讓架,做生意唔一定包賺架,你唔好以為人地賺好多,七除八拆無幾多利潤可以落到佢地袋,賣牌唔係外人睇落咁好賺架!

如沒有他們做中間人,把泰國聖物推介和引進於海外市場,試問我們還有機會體會到泰國聖物嘅可愛之處嘛!

現在你見到圖中的價格是$999฿你現在,覺得自己蠢左,如果一兩年後你見到這尊牌價格升到上$9999฿呢,你會有甚麼感受?

我只是唔認同呢件嘢嘅處事和銷售手法,但我唔覺得佢賺錢係有問題,你要記住價格永遠是取決於市場,是一條千古不變的定律。
來自iOS App來自iOS App
回復

使用道具 舉報

發表於 29-8-2019 11:12 | 顯示全部樓層
徒弟.....面皮有几厚 甘都讲得出口...要呃人都唔号系UNITE呃...资深师兄一大堆. 一人一句都可以帮距智商充值
回復

使用道具 舉報

您需要登錄後才可以回帖 登錄 | 新會員登記

本版積分規則

QQ|小黑屋|手機版|網站地圖|聯絡我們|Unite Thai Amulet Forum (HK)

GMT+8, 12-11-2019 18:59 , Processed in 0.098971 second(s), 42 queries .

Powered by Discuz! X3.4

© 2001-2017 Comsenz Inc.

快速回復 返回頂部 返回列表