找回密碼
 新會員登記
搜索
查看: 1474|回復: 4

{轉} 雲咸街牛雜檔

[複製鏈接]
發表於 1-8-2011 13:43 | 顯示全部樓層 |閱讀模式
八十年代初.....
添叔(假名)係一個地盤工人, 佢果時o係中環半山一個地盤工作,由於地盤趕工,佢同一班工人都要開夜, 開完工, 多數會同d其他工人一齊搭的士落去.
有一晚, 因佢自己有d手尾要攪埋佢,所以冇同其他同事一齊走, 結果果晚佢做到連飯都冇,食仲成三點至走....

果晚搵架的士都冇,結果等o左一陣,佢頂唔順,心諗落番中環都唔遠路,結果就行落去.....

佢由忌連拿利落去, 個五臟廟響過不停, 至諗起自己未食飯, 即刻拿拿林加快步速, 諗住落到去搵間『七仔』醫下個肚.....

當佢行到雲咸街同下亞厘畢道交界, 見到燈光通明, 飄煙四散, 一陣濃烈的肉香飄至鼻度,本來已睡眼惺忪的添叔,立時精神百倍, 伸個頭去超超......嘩! 平時呢個時間應該水靜河飛o既半山區, 竟然有當牛雜檔.... 而且仲擺o左幾張檯o係度, 坐滿晒人, 個個仲好專心咁食, 個樣仲鬼咁滋味添....

結果添叔行埋去....見到個檔主條眉好鬼死幼, 條眼又好鬼死細, 望埋去幾乎好似得兩點咁, 相當奇怪,呀...仲有仲有, 佢剪d牛雜果陣, 好似我地o係小學勞作堂剪紙條咁斯文, 一絲不苟咁, 仲好似好欣賞自己剪 d 牛雜咁, 完全唔係我地平時見o個 d 又大份, 咬住枝煙, 個樣又惡又衰, 仲有紋身果亭牛雜佬咁.

o係牛雜車後面有棵樹, 樹後面有個女人坐o係地下, 狀似 o係度洗緊牛雜, 阿添叔當時亦冇理咁多, 於同阿檔主講:

「老細, 整五蚊牛肚o黎呢....」

個檔主冇出聲,凈係陰陰咀笑側側眼咁望望佢, 繼續o係度剪牛雜, 阿添叔即刻取一張十蚊紙出o黎比佢, 佢緩而不疾咁取去佢張十蚊紙,又繼續剪牛雜, 添叔見佢態度冷漠,又唔找錢, 於是氣粗粗同佢講:

「老細, 十蚊o黎o架, 未找錢喎....」

個檔主又陰濕濕咁望望佢, o係個袋拿出一張紙幣來, 添叔因為太肚餓, 未睇清楚就放入袋....

未幾, 個檔主終於剪完碗牛雜, 遞俾阿添叔, 添叔立刻以一貫地盤佬作風, 捧著碗牛雜搵位坐去也..... 話說阿添叔餓狗搶x 咁拿住碗牛雜, 去霸個靚位, 佢一坐低, 就食七咁食d 牛雜, 全不為意佢身邊o既食客為乜水, 食到咁上下, 佢至開始望下週圍 d 人, 個個都面青口唇白, 好似病緊咁, 但又好靜默咁食佢地o的o野, 突然佢望到同檯佪阿伯同d細路, o係度食緊『腸仔麵』, 阿添叔望下自己碗牛雜, 已經風捲殘雲o勒, 佢就多口問句:

"咦! 阿伯, 你地o的公仔麵o係邊度買, 我唔多覺眼o既..."

個阿伯同 d 細路好奇怪咁互相對望一眼, 然後齊齊望住阿添叔, d 眼神十足十牛雜檔主咁陰森, 然後阿伯冇出聲, 佢向棵樹後面個女人度指o左一指, 添叔立刻唔理三七二十一, 急不及待咁飛身行過去諗住『補飛』去也,.

點知一行到去, 就望到個女人.....佢好似"楂"住一隻人o既腳, o係度劈開個人個肚.....而添叔又望到個女人後邊.... ....一個個人o既屍體, 堆積如山, 佢地個肚個個都比人割開, 添叔諗起剛剛佢自己食果d o野, 一陣噁心, 悶氣從胃部攻上, 立時嘔吐起來....然後佢岳高個頭望望頭先食 o野果度, 個個食客人蹤杳然, 佢行去望望頭先阿伯佢地食o個碗『腸仔麵』......只發現o個 d 並唔係什麼『腸仔麵』,而係成碗一條條活生生o既屍蟲(蛆蟲).....

當佢o既呼叫聲正從喉嚨想嗌出時...突然背後有隻手o係佢膊頭拍o左一拍, 佢好驚慌咁向後望一望, 係...... o個個牛雜檔主, 仲有果班『食客』....佢地個個用果種好陰森o既眼神望住添叔...o係度狂笑, 笑得好猙獰, 好淒厲, o係咁話:

「老友, 俾返 d 內臟我地, 你食o左我地 d 內臟呀....」

自此, 冇人再見到添叔, 亦冇人知佢下落......可能, 當你半夜三點鐘, 行過下亞厘畢道同雲咸街交界, 可能會見到佢o係度食緊牛雜....
發表於 2-8-2011 21:21 | 顯示全部樓層
wa....比我半夜三更0係中環見到牛雜檔,我一定唔食!!
旺角都話有可能丫,中環去邊搵食客...
發表於 2-8-2011 21:30 | 顯示全部樓層
多謝分享
發表於 2-8-2011 22:28 | 顯示全部樓層
好彩我唔食牛肉,不過,真係幾驚.{:6_324:}
發表於 2-8-2011 22:40 | 顯示全部樓層
點解我覺得好笑既
您需要登錄後才可以回帖 登錄 | 新會員登記

本版積分規則

QQ|小黑屋|手機版|網站地圖|聯絡我們|Privacy Policy|Unite Thai Amulet Forum (HK)

GMT+8, 29-3-2024 22:54 , Processed in 0.105837 second(s), 25 queries , Gzip On.

Powered by Discuz! X3.5

© 2001-2024 Discuz! Team.

快速回復 返回頂部 返回列表