|
龍婆浸蘭2543菩提葉下佛祖坐大地女神
前天早上泰國朋友通知我,佢中午時候約了一位專門收藏龍婆浸蘭聖物的收藏家,問我有什麽想搵或睇一下,我第一時間當然想起師傅制作的第一期四面神,我托佢到時幫我留意一下,佢笑了一聲就話,第一期四面神去pantip大把,洗乜走咁遠,我即時無言以對,哈哈…… 咁我就話你去到有乜好嘢就通知我一聲,我心諗有乜嘢未見過呀( 喺圖鑑上面)
到了中午,佢發了一張圖片给我,後加四個字:只限一尊,我即時問佢呢尊係咩咁珍貴,佢答我,在泰國浸蘭師傅除了制作四面神了得之外,呢尊佛祖坐大地女神係所有浸蘭迷必然想收的一尊,由於制作量不多,加上又出現過好多事蹟,所以流通量極少。最後我用咗一個鐘之內時間, 喺佢未離開間屋之前,用極速問咗幾個對浸蘭師傅有認識的人, 一致都話收得過, 最後我揀咗呢一尊啡黃色版本( 最難找的模),過幾天我就進升為浸蘭的鐵粉,到時再跟大家分享,哈哈……
聖物材料: (白色)多種經灰 , 師傅自己開光三年的經粉,浸聖水開光加持五年。
(灰色)多種經灰 , 師傅自己開光三年的經粉和頭髮 灰色的版本更加入了此龍婆tim的經粉,浸聖水開光加持五年。
(啡黃色)多種師傅早年收藏的經灰,師傅自己開光三年的經粉另外加入師傅的頭髮和多種人緣植物的莖和汁液,加持五年。(啡黃色版本為極之難尋和制作量最少的一個模)
|
評分
-
1
查看全部評分
-
|