中假牌後的處理 (睇完加下分啦)

亞特蘭提斯

各位 眼見不斷有牌友 中招 本人實在想向大家分享一些請牌心得 及中招後處理

其他討論區既壇主 請盡管COPY去你個網 可以的話幫手留個網UNITE網址 大家交流交流

*好多粗口 我亞特籣 唔會認屎忽靚 你要認屎忽靚可以番GXGXLX  我包你學唔到野 多謝!


請牌篇:

1. 請牌前 請你必須明白 無一個人可以100%保證自己睇/流通既牌真假
2. 牌商唔係你老豆 佢無必要比優惠價比你 所謂的優惠價是指少過或等於個COST
3. 你番得轉頭請多兩次 比佢知道你請牌鐘意講價 佢就會自動平比你 令你防衛心降低 跟手就出假牌比你
4. 不要因為甚麼360度鞠躬道歉或退款保證 而百份百相信該牌商 因為只要你證實唔到件牌係假既 佢就咩都唔洗做
5. 錢係你既 牌係人地既 你將D錢比左人 人地唔比番你 你吹佢唔脹
6. 香港放假牌 警察同消費者委員會都幫你唔到 唔好咁天真 諗住追得番D錢
7. 比市價高並非 真牌保證 酒店食自助餐都會肚痛 可況一杯COFFEE
8. 請勿輕易拿自己的佛牌比牌商看 真假由佢講 9成牌商都話你手中件野係假 跟住吸你同佢請牌
9. 請你明白 牌係你自己要請 係香港請一定貴過泰國 你有種自己過去入貨
10. 請勿意為泰國人信佛唔出假牌
11. 自稱甚麼師傅和尚 學過咩法 仲要係你面前吟經 空中畫符 9成係神棍
12. 請勿相信任何一個人介紹的泰國牌商 原因以上都係
13. 牌商都係做生意 你唔比佢賺佢唯有呃 道理就係咁簡單 當然有D好D掃走你就算 (你好彩啦)
14. 牌商要COST 唔好成日吊鬼話貴話貴 你有權唔請
15. 唔好意為過泰國就可以攞平牌 三九唔識七 比個港價8折唔呃你都偷笑
16. 唔好意為自己睇左10年牌 好撚勁 AAA+既牌 你未必見過
17. 唔好見有證書就請 比賽有大有細 證書有真有假 唔識既問下人

18. 沙媽供出既證書都有假 證書係人出既 錢係萬能既
19. 比本圖鑑你睇就係叫識牌 我屋企開圖書館 我應該可以做佛牌大學校長
20. 你一定會吊我 樣樣都唔得 即係唔洗請 , 我會答你 知識係要時間浸出來的 除非你有高手指點 否則一定係用金錢換回來的



中招篇

1. 記住你唔係大哥 你唔係劉德華 中招好閒 唔好搞到好似未日咁既FEEL 想辦法補救先係正確
2. 因為你唔係胡總溫總 你唔係曾特首 人地提你係比面你 唔係一定要冒險同你反面而提你 你唔聽係你自己ON9

3. 人地提你 你有權聽完就算 你吊鳩人 人地下次唔再提你 等你繼續開開心心請假牌 你自己攞黎 唔怪得人下次唔再答你
4. 唔好咁白痴 攞件假野番去請牌既地方或同一集團既店舖驗牌 就算佢幫你攞去泰國 甚至同你去泰國驗 你都未必驗到 因為識人既唔係你
5. 要驗自己搵第三者去泰國驗 最好既方法攞件牌去泰國 問牌商收唔收 人地唔會答你真假 唔收自己知咩事 唔該唔好問長問短 面係自己既
6. 你要型你要盛 唔好POST上網 自己單獨欣賞 一定無人話你假
7. 如果真係確定中撚左招 客客氣氣同牌商相量處理方案 之前講過無人能保證自己出既牌一定係真 做牌既好清楚 呢個風險佢一定計埋做個COST
8. 如果佢玩失蹤 我答你你無野可以做
9. 件假牌點處理? 放係屋企做個教訓 得閒上網教人點分真假 我亞特蘭大大話話起碼十數件假牌 退唔番錢 你中一兩件要生要死要反面 唔該你去食屎
10. 點解中招篇得十條 請牌篇有二十條? 你睇晒上面二十條之後 都仲要用中招篇呢十條 你真係低撚死

如果你係牌商 睇完之後唔HAPPY , 我最多同你講聲SORRY 你憑良心做生意 永遠做你唔死既
最後祝大家聖誕快樂 以上當係我壇第一年送大家的聖誕禮物 知識才可以改變命運  希望大家畢生受用

kaykcho

大力支持~

WORLD_BUDDHA

我要看呀

WORLD_BUDDHA

聖誕快樂{:6_296:}

leung

{:6_330:} 支持支持

我係佛緣

{:6_330:}See  see

極醜惡

我中招中唔少，買貴牌多的是{:6_308:}

mhf

支持{:6_327:}{:6_330:}

wi8k8

受用受教，多謝師兄指點！{:6_330:}

kei225

{:6_330:}