參與派古曼更也大法會 - 前篇

carloschoi

今次有幸參與派古曼更也大法會，係受龍婆壯廟的理事朋友的邀請，第一次參與大法會，希望同大家分享一下我的所見所聞。



Wat Boonyarit 係位於呵叻府，距離曼谷市差不多3個小時的車程。Wat Boonyarit 可以講話係山區之中，而且並唔係馬路旁邊，係要喺大馬路入去後仲要兜幾個彎先到。
去到見到個興建中既廟門，兜過正門要從小路進入，而Wat Boonyarit 的理事為左幫廟建立一條路可以從大馬路直接一點去到廟，以及龍婆壯的兒童基金籌款，所以四出去張羅各位名師的獨門材料，去做呢一批派古曼近也坤平，所以亦理解到，點解咁多位名師願意捐出自己的獨門聖粉。





為左今次的準備，我同朋友在大法會前2日已經到Wat Boonyarit 幫手。
第一日到泰國就直接趕去Wat Boonyarit，去探望龍婆壯，我地今次準備了花盤，做了一次拜師儀式，龍婆壯為我地做一次魯士灌頂。之後問到龍婆壯，原來龍婆壯係甚少為善眾做呢種儀式。因為龍婆壯一位好低調的師父，其實造牌只係近年想改善Wat Boonyarit先開始製作聖物。不過，龍婆壯話曾經做過呢類儀式的善信，運氣都會得到提升。聽完之後，我覺得今次去幫手，幾辛苦都值得。







今次收獲好豐富，因為龍婆壯係房潛左2塊牌比我地，一塊係自身+拉胡，一塊係自身騎馬。
細問之下，自身+拉胡係2547年出廟，而呢幾塊每日都經師父係房內加持，即係加持左14年。師父係師承拉胡廟的龍婆Noi，拉胡法門係師父其中一樣專長，所以我同朋友都覺得師父真係當我地係自己人。





傾完一陣，我地就去左幫手搬搬抬抬，由搬地毯，搬枱枱櫈櫈，搬大法會幫手開光的龍婆專門坐的坐墊坐椅，呢個時候我覺得自己有份掂到都好似會有力量咁。第一日準備都差不多，第二日朝早我地再去幫手Set-up。原來一個大法會要準備既野係好多，除左硬件上的準備，仲有好多儀式要用到的物品，例如一D 香蕉苗，椰子苗，棕櫚樹苗，用黎擺放佛牌的蓮花，經線，仲有好多好多。係Set-up 方面，我會見到泰國的女性就會幫手做D手功方面的功夫，例如釘壇上的布，將新鮮的蓮花搣開做個靚靚花托，而男性就會搬搬抬抬，個個人都分工合作，為Wat Boonyarit 出一分力。






(各司其職，男的搬抬，女的佈置)

(龍婆唸經時所坐的坐墊)






Wat Boonyarit 的主殿天花拉滿經線






(3種樹苗放在幾位龍婆身旁)


(龍婆所用的砵，裝滿水後上面會點上蠟燭，一邊唸經，最後為佛牌灑上聖水)


(請天神庇佑所用的供品)


(將新鮮的蓮花剪開，再摺個花形，我試過但失敗左，都係交返比女士們)


(摺得好靚)

最後當然要請龍婆壯去主殿睇下我地既佈置成果，之後跟返龍婆壯的意思去執一執，Set-up 完已經係夜晚8點幾了，雖然身體好攰但又好期待聽日舉行的大法會，所以大家都好有Energy。


(龍婆壯每樣都檢查清楚，親力親為)

至於大法會花絮，請留意派古曼近也大法會後篇。敬請留意。

  (To be continue)

Jason36

thx to share

lcwing

Thanks for sharing.

eddie168

多謝分享

Ware

多謝分享

善念

多謝分享

Sang182

Ccccccccccc

MartinYuen

看看吧

abc123

多謝分享

SamLeung

thanks.