|
以前一位生意拍擋自從拆伙之後去
左做金融投資,班同事機乎個個都
有載開陰牌,於是佢又走去請。
每次同佢講親陰牌禍害呢個話題都
會起哂槓,兩兄弟次次都抝到面紅
耳熱。講親佢啲牌都好似得罪佢咁,
我其實真係有理由相信佢已經係鬼
迷心竅,上哂腦果隻。
每次佢都會反問我:請走佢地啲生
意一落千丈的話邊個比番我?我大
拿拿幾千蚊一個請番黎,你叫我請
走佢?同倒錢落海有咩分別?再講
佢地真係幫左我好多,而且供開已
經有感情,請走佢地真係唔捨得!
本來真係有諗過你要死我唔比你死
咩?!但我見佢一次比一次憔悴、
面無血色、勁深黑眼圈、陰陰沉沉,
所以我同自己講要堅持唔好放棄!
講真,每次比人潑冷水甚至覺得我
多事、嫌我煩真係唔好受!但我以
無比既耐性,異於常人既EQ,不停
間中就會遊說佢。
要特別嗚謝Unite各位師兄關於陰牌
禍害既文章,間中我就會send一篇
過去。因為自己人講你唔信,就唯
有由他人把口去講,我發現的確係
會有啲用。
直到尋日上香既時候,我求成功佛
開啟我智慧去幫助呢位朋友。今日
同佢食晚飯既時候,我又借啲二講
下呢個話題,不過今次我並無採取
和他對立既說話方式。相反,我嘗
試去認同佢、理解佢。
我嘗試關心一下佢家人狀況,先知
道佢供陰已經供到成屋晦氣甚至影
響埋屋企人,阿媽整親條腰骨,已
經半年無開工。阿爸60歲被人嫌太
老地盤無工開。我知佢一向都係孝
順仔,於是我就問左佢幾個問題:
如果你既成功,係要以屋企人既倒
霉落魄做代價,你還願意嗎?供養
者係你,佢地幫你只係等價交易,
但佢地係無義務幫你屋企人。就當
佢地無心害你屋企人,但你有想過
你長期响屋企供住啲陰野,成間屋
既運氣磁場都會被影響?供陰幫你
搵到既錢係要還,比你搵到既錢再
多,但夠你家人睇醫生嗎?
佢聽完之後好似叮左一聲咁,忽然
醒左!謝天謝地我最後終於成功說
服左佢啦!聽朝就會一齊入元朗大
棠寺搵師父處理左佢,希望聽日順
順利利,唔好瞓一晚之後改變主意…
成功佛果然真係有求必應! |
評分
-
4
查看全部評分
-
|