Unite 香港佛牌討論區

設為首頁收藏本站

Unite 香港佛牌討論區

 取回密碼
 新會員登記

QQ登錄

只需一步,快速開始

Login

免註冊即享有會員功能

搜尋
檢視: 2619|回覆: 40

[分享] 熱臉貼人冷屁股

[複製連結]
發表於 6-7-2016 11:24 來自手機 | 顯示全部樓層 |閱讀模式
有無試過想請牌結緣比朋友,
但又怕對方抗拒或者當垃圾?

結緣佛牌本應係出自一番好意,
由於泰國緬甸柬埔寨呢類地方,
太多蠱毒巫術降頭鬼仔之類。
所以結果卻往往造成弄巧反拙,
熱臉貼人冷屁股!所以請牌比
朋友一定要有技巧~

首先我會選最大路正神既牌,
方便對方上網容易查找資料。
至於坤平、招財女神、南平
媽媽、拍嬰、古曼呢類有正
有陰既就可免則免!

重要以最簡單直接,細路仔都
聽得明既“講故仔”方式去演譯。
注意用詞一定要簡單!

首先我會問佢:有無聽過當年
釋迦牟尼坐响萄提樹下冥想之
後跌左個蘋果落黎,於是就發
現左地球係有地深吸力?

十個有九個都會答:咪玩啦!
果個係牛頓呀!

這樣一來可以先免除佢胡思
亂想,因為就算再無知既人,
都一定聽過佛陀既名號!

之後我會接住講:
我知果個係牛頓,講下笑唧!
我睇下你知唔知釋迦牟尼萄提
樹下冥想之後得道成佛丫嗎!

話說當年啲妖魔鬼怪得知呢個
消息之後,於是就吹雞拉大隊
去搞佛陀,想郁佢你又知唔知?
當天神知道呢件事後見唔對路!
對方咁疊馬,跟手就派左佢條
lan去做護法保護佢喇。

呢,就係呢條七頭龍啦~
(呢個時候囉尊牌出黎指比佢睇)
係咪好有霸氣先?!所以呢尊牌
就叫做七龍佛啦,可以當護身符
保平安架!

載住佢所有妖魔鬼怪惡運通通
都埋唔到身架!所以七龍佛又
叫開運佛,有左佢工作事業
樣樣都會順利啲架!

唔好講咁多,嗱嗱林載住佢,
不過你唔好以為我送比你呀!
(唔比佢講野住)
有條件架!如果路過見到有路
宿者、乞衣,就損番多少當係
供金,將功德回向番比我啦!
重有呀,做得善事越多個牌就
越靈架!

通常知道埋要做善事之後,
正路都唔會點抗拒或想太多。
亦可以完全排除任何同鬼仔
巫術靠得上邊既負面想法。
……………………………………………………

但係如果係女士,我就會
講個岩女仔聽既故仔佢聽~

首先我會講:
話說當年佛陀有個高大威猛又
好靚仔既弟子,妳有無聽過?

十個有十一個都話未聽過
(因為連我自己都未聽過)
成功引起佢好奇之後,接住
我就會講:

話說呢個弟子聰明伶俐,而且
法力高強!重點係生得英俊又
斯文,成個du敏俊si咁款架!
當時啲女善信勁冧佢,日日都
會去佢化緣經過既地方等佢,
重想色誘佢還俗添呀!

後來Du敏俊si覺得十分騷擾,
日日聽住呢啲讚美奉承既說話,
實在非常阻礙佢修行,於是就
把心一橫,用神通一變!~

就變左公公啦!
講笑咋,哈哈哈!

係將自己變得又矮又肥,重用
手摭住自己個靚仔樣!最後就
得道就成為左呢尊掩面佛啦!

載住佢可以避開所有聞言聞語
事事非非,重可以令所有想害你
既牛鬼蛇神好似星爺咁~

“你睇我唔到~你睇我唔到~”

所以係可以辟邪同避開意外,
保平安架。拿,加埋後面呢
個符印重可以招財同工作令
順利添架!

之後同上一個故事一樣打完場,
通常都會Bingo!不過未搞清楚
對方宗教之前,就亂請牌比人,
人家請你食檸檬就自己囉黎啦!

評分

1

檢視全部評分

回覆

使用道具 檢舉

發表於 6-7-2016 12:28 | 顯示全部樓層
師兄,得罪D講句,我聽完你上述D神化故事同冷笑話,係我就一定唔會同你請,因為我會覺得你係講故仔(導)我請牌既神棍多D,而且會更加厭惡佛牌呢類野。好似我咁,係公司咁耐,只有我一個帶牌,但我重來唔提關於佛牌既野。直到有一日同事突然問起我至會講少少因果福報之類,再之後佢主動話有興趣接觸問我有無牌結緣咁。其實你咁講係好影響其他唔認識既人對佛教同佛牌既印象架。
來自Android App來自Android App
回覆

使用道具 檢舉

發表於 6-7-2016 12:40 | 顯示全部樓層
就好大棠寺既師父就講過:佛教大門係長開,出家或去寺廟參拜都出於個人意願及主動意識。緣分到咗,自然會主動接觸同了解。真係無需要自己請牌去結緣俾朋友而想令個fd信囉。
來自Android App來自Android App
回覆

使用道具 檢舉

 樓主| 發表於 6-7-2016 12:57 | 顯示全部樓層
HugoSung@FB 發表於 6-7-2016 12:28
師兄,得罪D講句,我聽完你上述D神化故事同冷笑話,係我就一定唔會同你請,因為我會覺得你係講故仔(導)我請 ...

首先我強調,我並【不是】牌商!
亦從來未賣過佛牌,更無相過利用
佛牌去賺錢或炒賣。

我只係結緣“送”個牌比自己家人&朋友
回覆

使用道具 檢舉

發表於 6-7-2016 13:53 | 顯示全部樓層
認同Hugo兄,有緣份自然會認識,無緣嘅講完都唔聽,有好多人就算接觸佛教,佛牌到後來都會變成呃人,唯利是圖嘅人,真正想學佛修心的人自然會去主動認識,無謂要特登"Sell"佛教, 佛牌
回覆

使用道具 檢舉

 樓主| 發表於 6-7-2016 14:01 來自手機 | 顯示全部樓層
HugoSung@FB 發表於 6-7-2016 12:28
師兄,得罪D講句,我聽完你上述D神化故事同冷笑話,係我就一定唔會同你請,因為我會覺得你係講故仔(導)我請 ...

再者,我已經講到明係家人,
係朋友,講下笑我認為無傷
大雅,亦不見得如你所講,
就會“厭惡”。

你從來不提,因為果班只係你
同事,因為別人隨時會批評你
迷信,說三道四,亦係基於多
一事不如少一事,亦係自我保護。

而我結緣佛牌比家人朋友,
係基於我愛和關心佢地,
亦從來沒有強迫佢地相信
既想法。而所謂“結緣”,
就係人為地種下一個因,
致於果會係如何,一切亦
只能隨緣。

佛陀曾經講過,最好既供養
莫過於能發起利益一切衆生既
慈悲心迴向成佛,方為菩提道。
將佛陀世尊對我地教悔分享出去
亦可算係供養佛既一種。而用
輕鬆幽默的方式,確實能更有效
地讓人接受這個宗教。一切皆
在於你的動機、在於你出發點。

不喜你可以不看,本人無意與
閣下爭論任何觀點。信佛之人
不妄語,“神棍”一詞還是留給
閣下慢慢反思吧。

今天,若然因為你一番驚人諱論,
包括“信佛只應隨緣”以及“結緣佛牌
就係迫人信”…等,今後見到既網友
或本人,通通不再去主動分享佛法,
亦不再去結緣佛牌,想想你罪孽該
有多大?

由你得罪啲講句那一秒鐘開始,
你已經在造孽,因為你明知道
你係開始想去攻擊別人。
回覆

使用道具 檢舉

 樓主| 發表於 6-7-2016 14:22 來自手機 | 顯示全部樓層
本文章最後由 carloskimyan 於 6-7-2016 14:24 編輯
vincentLiu 發表於 6-7-2016 13:53
認同Hugo兄,有緣份自然會認識,無緣嘅講完都唔聽,有好多人就算接觸佛教,佛牌到後來都會變成呃人,唯利是 ...

我想請教師兄,為何要請佛牌呢?
為何要做善事呢?難度就係為了
自己福報強啲?個牌效果好啲?

結緣佛牌在你眼裡是sell教,
但在本人眼裡是一種慈悲心,
係愛既表現。亦係弘揚佛法的
一種間接方式。

你認為損100萬去一間廟宇,
還是結緣100個廟宇既佛牌,
既福報會大啲?100個佛牌,
有機會可以換來100損100萬
既善信,從而可以幫助更多
有需要既人。

佛牌既意義本身就係高憎們
既慈悲心,讓你運程變好賺
更多既錢之後,有能力再去
幫助更多有需要既人之餘,
本身就係要令更多既人接觸
佛陀既道理,以及發起慈悲
既善心。

如果只係抱住滿足自我一種
私心,佛牌對你來說,相信亦
不過係一件裝飾品或心靈上
安慰吧了。
回覆

使用道具 檢舉

 樓主| 發表於 6-7-2016 15:30 來自手機 | 顯示全部樓層
HugoSung@FB 發表於 6-7-2016 12:28
師兄,得罪D講句,我聽完你上述D神化故事同冷笑話,係我就一定唔會同你請,因為我會覺得你係講故仔(導)我請 ...

補充多一句,你口中所謂“神化故事”
都係來自佛經裡面既真實故事,不過
我用較跳皮既演譯方式而已。
回覆

使用道具 檢舉

 樓主| 發表於 6-7-2016 15:58 來自手機 | 顯示全部樓層
本文章最後由 carloskimyan 於 6-7-2016 16:04 編輯
vincentLiu 發表於 6-7-2016 13:53
認同Hugo兄,有緣份自然會認識,無緣嘅講完都唔聽,有好多人就算接觸佛教,佛牌到後來都會變成呃人,唯利是 ...

請教師兄兩個問題~

《到底你是否相信佛牌真的
能改變運程或擋險保平安?》
如果信,為何不結緣給親友?
如果不信,為何要恭請?

《你愛你的家人朋友們嗎?》
如果愛,為何沒有想過去保護
他們或讓他們也變得運程更好?
如果不愛,你贏,我無話可說。
但很懷疑閣下是否誠心向佛。

一個信佛既人,言行都會發自
內心地有所改變,亦會將學習
佛法、宣揚佛法視為己任,福
報自當無量無邊。願發菩提心,
方為菩提道。

至於閣下所指分享佛教=sell佛
此等說法,恕在下實在不能苟同~
回覆

使用道具 檢舉

發表於 6-7-2016 17:53 | 顯示全部樓層
carlo兄係幾可愛的,最少感染到我和我的太太,我們現在都想在慈善拍賣區買到的牌,把他送給有需要的朋友和家人,也希望為他們帶來好運,財富和健康!
來自iOS App來自iOS App
回覆

使用道具 檢舉

你需要登入後才可以回覆 登入 | 新會員登記

本版積分規則

QQ|小黑屋|手機版|網站地圖|聯絡我們|Unite Thai Amulet Forum (HK)    

GMT+8, 4-12-2016 06:06 , Processed in 0.083956 second(s), 24 queries .

Powered by Discuz! X3.2

© 2001-2012 Comsenz Inc. | 正體中文: [數碼中文坊]

快速回覆 返回頂端 返回清單