初來報到 分享新供請的四面神

Benho

初來報到，想同各位師兄分享四面神佛牌同戴咗之後感覺!

首先講少少我既背景，我屋企人係信佛，而我由細到大都對其他講神通宗教有興趣，而泰國佛牌都係近幾年先上網留意到。

我出黎做野做咗2年，係工作上有好大壓力，開頭覺得係正常，只不過未適應，之後想同屋企人傾又成日鬧我捱唔到苦，一代不如一代，但係佢唔明白我公司人事問題，第一份工我坐個位係流水位，成日轉人，最長嗰個頂3個月就頂唔順走咗，我就頂足半年，冇做運動日日坐office足足瘦咗20磅，最後頂唔順辭職。

到第2份工開頭都做得幾順利，但係之後又出問題，我上司係唔係都捉我黎鬧，做乜都鬧，連其他部門啲人叫我幫手都好似叫狗咁。仲有做乜都唔順利，好似俾個天玩緊，好灰，成日有負面諗法，想試吓搵其他方法幫手。

12/5請咗龍婆襌南既四面神，第2日啲同事態度180度轉變，做乜都唔該前唔該後，格離部門同事做漏野有誤會走黎問我，俾著以前我都會俾人鬧，格離部門上司竟然打電話俾我上司解釋唔關我事，叫佢唔好鬧我。直到今日做乜都如有神助!!!

terryw816

謝謝分享!!!

芭蕉仔

多謝分享

                               
登錄/註冊後可看大圖

芭蕉仔

點解日日坐office都可以瘦成20磅

                               
登錄/註冊後可看大圖

可吾可以教我

yyou2015

繼續努力, 謝謝分享 ...  

ShinHO@FB

點解我日日坐office會肥左廿磅

芭蕉仔

ShinHO@FB 發表於 29-5-2016 12:12

                               
登錄/註冊後可看大圖

點解我日日坐office會肥左廿磅

點解我吾係日門坐office都肥左20磅

                               
登錄/註冊後可看大圖

Benho

你要有1位好同事，講野講1次你就一定要識，再問佢就會發癲鬧人，截咗你啲文件簽收就收埋其中1張，公司係如果冇嗰張文件都有得影印，但係要搵餐死。佢仲會將你啲要打既文件delete,交野去上司度佢會同你將啲文件次序“排好”，你做完自己崗位工作早過佢收工會鬧我早走，俾埋佢自己既工作我做。總之你每日都唔知佢會有咩新花樣，聽高級過佢既同事講佢曾經將某同事枱面既野掃哂落地。再加上自己唔識處理壓力，差唔多晚晚瞓覺紮醒，跟住好難瞓得返，電話響親都係俾人照肺，有時放假我連屋企電話響都驚驚地。咁就好快瘦咗20磅!

hkranma

多謝分享

luiho

希望你愈來愈順