請教各位前輩此佛牌來歷資料

亞特蘭提斯 · 發表於 13-2-2016 16:11

vicheen 發表於 13-2-2016 15:50

登錄/註冊後可看大圖

佛寺：屈啦筍（วัดนาสน),2547年，亞贊冠噴開光，南部：洛神府。

果然係好野

8bud8dha8 · 發表於 13-2-2016 21:07

澤度琴年代好多呢設計既佛牌

登錄/註冊後可看大圖

冠噴好野呀

登錄/註冊後可看大圖

todejavu · 發表於 13-2-2016 22:44

vicheen 發表於 13-2-2016 15:50

登錄/註冊後可看大圖

佛寺：屈啦筍（วัดนาสน),2547年，亞贊冠噴開光，南部：洛神府。

師兄好野，unite真係臥虎藏龍，咁都俾我知道塊牌既來歷，多謝晒師兄

9394abc · 發表於 14-2-2016 02:08

todejavu 發表於 13-2-2016 14:15
因為此面佛牌，小弟才能跟現任太太成家立室，組織家庭

能否道出此佛牌如何幫你娶老婆?

todejavu · 發表於 14-2-2016 04:59

9394abc 發表於 14-2-2016 02:08

登錄/註冊後可看大圖

能否道出此佛牌如何幫你娶老婆?

既然師兄有興趣，又難得搵到小弟要既佛牌資料，小弟亦樂於分享，不過都幾長篇大論。

話說小弟曾經都係一個幾風流既人……我諗用好風流去形容都不為過，與前女友一齊左足足7年，一齊得耐真係會無晒激情，而且我都好坦白咁承認一齊期間我有做過錯事，但導致分手既原因反而係女友做左錯事俾我發現左（其實男人有時都好賤，自己錯就得，女友錯就唔得），卒之就分左手。

其實一同佢分左手，已經有另外2個女仔出現去爭我，再加上我前女友不斷好有誠意咁想復合，果時個心都好似小鹿亂撞咁，但由於小弟本來已視前女友為結婚對象，1卡求婚鑽戒都俾埋佢，加上小弟耳仔好軟，再者小弟屋企人好喜歡我前女友，當左佢係半個女看待，基於以上種種因素，本人都認為應該會同前女友復合。

講左咁耐終於講完背景，但背景真係好重要，因為每個人做每一個決定背後一定會有好多因素，戲肉到喇，可能我前女友當時亦感覺到我未必會拒絕佢，所以佢直頭黎左我屋企迫我即時俾個答案佢!（待續）

todejavu · 發表於 14-2-2016 15:58

每次收工返屋企我習慣就會將佛牌除低，放於大概到我心口咁高既櫃頂，之後先去食飯，沖涼，瞓覺第日出門口前先再佩戴返，當日都如是，我前女友黎到我屋企，同我屋企人一齊食晚飯，之後就跟我入房“講數”，要求復合，當大家發表完各自既論點後，佢突然態度強硬，劈頭一句就要我即時答應同佢復合，就喺小弟15/16，態度開始軟化，準備答應佢之際，突然間房傳出好響亮既“啪”一聲，我地2個即時問“咩聲?”回頭一望，我個佛牌好似自己有腳咁由個櫃頂跌左落地下，仲跌爆左個殼，我地2個即場呆左，因為個牌係放在櫃頂正中間，而且全程無人碰撞過個櫃，無可能會跌落黎，就算退100萬步黎講，當我放個牌放得唔好，應該係即場滑落黎，唔會又食晒飯，又講晒數，隔好幾個小時之後，在無任何外力既情況之下自己跌落黎跌爛左。

雖然本人唔係極之迷信既人，但果刻覺得佛牌好似想阻止我做決定，點解遲唔跌早唔跌，就在小弟考慮緊復唔復合既一刻“啪”一聲跌落黎?連我前女友果刻都唔知講乜好，我就同佢講，可能連個天都提醒我要好好考慮清楚，唔可以妄下決定，不如再俾D時間大家啦。

當婉轉地拒絕左佢之後，好快小弟就同現任太太極速“搭上左”，用“搭上左”去形容係因為佢係小弟同事，本來從來無諗過會同佢一齊，但突然間極速發展，仲閃電結埋婚，而家有3個女，其中2個係孖女，收入仲越來越可觀，所以小弟好慶幸此面佛牌當時犧牲自己去提醒小弟，無做出衝動既選擇，否則小弟既人生一定會完全不同。

todejavu · 發表於 14-2-2016 16:02

俾你地睇睇我3個女幾得意。如果當初選擇同前女友復合，我唔知之後既人生會點，但就一定無而家既家人囉。

9394abc · 發表於 14-2-2016 16:07

又幾神奇喎，謝謝咁詳細回覆。

todejavu · 發表於 14-2-2016 16:19

9394abc 發表於 14-2-2016 16:07

登錄/註冊後可看大圖

又幾神奇喎，謝謝咁詳細回覆。

因為佢守護我，所以我願意打多D字去描述整件事，等多D人知道澤度金真係好堅，等多D人去尊崇佢，雖然我個case對好多師兄師姐黎講可能只係雞毛蒜皮，小巫见大巫既事蹟，但我覺得所謂既神蹟，顯靈，唔一定係驚天地泣鬼神既，可能只係一件小事，已可影響我一生。

Lawwingon · 發表於 14-2-2016 16:29

謝分享～～

		自動登錄	找回密碼
密碼			新會員登記

[求教] 請教各位前輩此佛牌來歷資料