|
本帖最後由 kikiki 於 24-11-2015 11:58 編輯
記得初次接觸佛牌既時候真係一頭霧水~ 亦唔識去分咩係正牌,咩係陰牌~ 女人嘛~ 耳仔軟~ 相信朋友居多~ 正所謂四海之內皆兄弟,朋友唔會老點我既~
而家回想或許她也只是道聽塗說(對唔住我的好友, 咁樣話你tim)~ 點解我會咁講呢~ 試問有邊個唔想聽日就大把錢,諗乜有乜?! 我肯定十個有九個係咁諗~ 嘩!阿邊個邊個請左個乜乜牌掂過碌蔗喎~又中馬又贏錢又多女/仔埋身等等等~ 我都請返個先~ 這就是人性呀~ 人就緊係求好架啦冇人想衰既~ 但係我地往往只看到表面風光,又有誰會看到暗裡兜mou?! 陰物的存在就正正捉到人性心急,貪婪既心態~ 一個老sales永遠只會講好唔講衰~ 無理由咁on居倒自己米既~ 生意做得成錢就袋袋平安架啦~ 之後要受要PK就真係關人蛋治~ 唔係咩叫奸商~ 見你唔識仲唔昆到你傻~
在我初接觸佛牌既時候,差一點就踩左去供陰~ 朋友同我講原來佢欠街數廿幾個,感情生活又不停比男人呃~ 開飯都成問題~當時真係衰到跌落谷㡳~ 後尾有人介紹佢供陰,
佢冇諗太多只想即刻好轉就供左~ 之後喺一年入面把街數清曬,D仔仲自動獻身養埋佢,又帶鑽戒,又地通拿,又卡地亞,又Chanel等等等~ 果時咁啱佢既師傅過兩日黎香港就叫我一齊去供返個~ 當時佢供緊2個, 一個係拍罌~ 另一個係入靈牌(唔記得個名)~
我當時見佢咁掂真係想架~ 因為當下我只被佢既說話吸引住亦沒諗太多~ 即晚返屋企上網search資料(返到屋企終於變回正常思維識諗返野,總覺得天下沒有免費的午餐) 再睇多D供陰既資料勁恐怖嚇死我呀~ 我衡量過自己總算衣食無憂吖,又唔係有咩特別黑仔~ 不需要借助鬼黎幫我就決定唔去了~ 更加不想因為當下既滿足而令自己後悔~ 畢竟一踩左入去冇咁易行得返出黎~ 而且呢個罪孽係跟著我生生世世的(不止一世咁簡單)我更加唔知道之後要還乜野,還幾耐先彌補到~ 仲要係死左仲要還喎~ 贏就贏粒糖輸就輸間廠~ 條數點計都唔值得~
再講返我呢個朋友~ 近日我有D懷疑佢既運開始用盡,業障到喇~ 因為見佢一個月起碼入一次醫院~ 又要食抗抑鬱藥~ 又開始燥狂好似望乜都唔順眼咁~ 連佢男友都開始頂佢唔順想離開佢喇~
感覺佢之前賺左既開始要還~ 之後會變成點冇人知~ 但肯定下場唔會好過~ 有錢無健康有鬼用咩~ 再次強調~ 我不認為朋友會老點我的~ 只係有時連佢都一知半解,見好就介紹比我,但係冇諗過之後既下場幾大鑊而已~ 所以奉勸各位新手真係要諗清諗楚,千祈唔好人講乜就信乜~ 而家網路咁發達~ 花D時間扒吓資料先好下決定~ 再唔係喺度問吓D師兄師姐, 一定會解答到你的....
最後.... 唯有正法正念學習佛學才能持久維持下去~ 而且你會發現身心靈一天會比一天好~ 有時間既多D去做吓善事,放生,參加吓D社區活動~ 冇時間既財施也可,一百幾十係人都拎得出啦~
多謝各位師兄師姐耐心收看~
|
評分
-
9
查看全部評分
-
|