Unite 香港佛牌討論區

設為首頁收藏本站

Unite 香港佛牌討論區

 取回密碼
 新會員登記

QQ登錄

只需一步,快速開始

Login

免註冊即享有會員功能

搜尋
檢視: 1706|回覆: 103

女人是乜?   單身篇

[複製連結]
發表於 19-11-2015 23:18 | 顯示全部樓層 |閱讀模式
女人心事專區,當然要由女人來領導,話俾各位男士知,女人,究竟是乜?諗緊d乜?亦可以俾各位姊妹睇下,我講嘅野,妳又中幾多?


先嚟講下單身。


某部分單身中嘅女人,特別有返咁上下年紀 - 講緊可能2x嵗,就零舍心急,想快d揾到另一半結婚去。


有d女仔嘅諗法比較奇怪,你問佢做乜咁心急呀?佢會話:我d fan (朋友是也)有好幾個都有男朋友啦,話遲下就會結婚囉,有兩三個已經結咗婚囉,你知啦,第時成班fan出嚟食飯,得我一個單身,好無面㗎嘛!仲有呀,我18嵗生日嗰時講過㗎,要係28嵗前結婚㗎嘛,我今年27喇,仲唔急呀~~


。。。咁呀。。。咁妳想同邊類型嘅男士一齊呀?


其實我要求唔高㗎,五官端正啦,有份正當職業啦,人工唔好太低囉,溝通到啦,有愛心啦,錫我啦,脾氣唔好暴燥啦,成熟穩重啦,對將來有計劃啦,例如會諗下買樓咁啦。。。


(連放個屁都要係香嘅好無?)


咁你之前個男朋友呢?


唉!唔好提啦!講起就嬲喇!都唔聽我講嘅!話開個聯名户口一齊儲 $ 第時買樓結婚㗎嘛,又話要俾屋企,又話要找咭數,我都係想第時有 $ 用,唔洗咁寒酸姐!佢連儲 $ 都唔肯,都唔為我地,為將來打算下嘅!仲有呀,無 $ 唔好拍拖呀嘛,次次食飯都話茶餐廳,我唔食㗎!其實我都唔係咁難相處姐!我已經預備好拍拖㗎喇,唉!係未有對象囉!


以上情況,如有雷同,就自己諗喇!我絕非貶低女性(我都係女人),而千真萬確地,有部分嘅女人真係咁諗㗎!師兄們,如果俾你遇到一個我所講嘅女人,你會點呢?嗱,唔講邊個啱,邊個錯,觀點與角度問題。


不論你係兄弟幫定姊姊淘,如果你有拍過拖,有失戀嘅經歷,試諗返轉頭,點解會失戀?問題係邊呢?每一段戀愛你總會學到野。人點解會成長?透過經歷,反思,學習,自然會成長。如果你每次拍拖都係分手收場,有無成長過呢?唔經過反思同學習,只會原地踏步,一直單身,68嵗都結唔成婚。


要係某個年紀之前強迫自己同對方結婚,你了解對方嗎?會幸福嗎?結婚,目的係乜?


要另一半達到你嘅(完美)要求,當真係有呢個人出現,點解要揀你先?因為你係王子?因為你係公主?定係你只係一個有王子/公主病嘅普通人?


我個人睇法,有 d 野唔應該係情感世界出現,例如金錢。俗語有云:講錢傷感情。不論家人,朋友,另一半,可免則免。你想買樓?你想儲 $?得!自己儲自己嗰份。每個人嘅負擔都唔同,對方點洗錢,對方嘅事,可以善意提醒,但絕不能插手!一插手,你就瀨野!


有時呢,你認為好嘅野,放係人地度,人地未必覺得好。夾硬要對方接受你個人覺得“好“嘅野,只會有反效果。問題根本:對方需要的是什麼?


反思好了,知道問題係邊度,努力地改變,咁先至係正正當當的  預備好了接受另一段新戀情。


師兄們,師姐們,如果你仲係單身,或者有其他睇法,一齊討論下~


順帶一提,唔好諗住請個助人緣/異性緣嘅佛牌,又或者洗點錢做d “法事“ 就可以解決。自身未做好,俾十條仔/女你都係無用,只會一場空。


當然啦,唔係個個女人都係我以上所講咁嘅,都有識得為人著想嘅好女人㗎!


單身篇講住咁多先,下次講 女人眼中的男人們。


密切留意!!!

評分

5

檢視全部評分

發表於 19-11-2015 23:25 | 顯示全部樓層
辛苦哂!師姐
回覆

使用道具 檢舉

 樓主| 發表於 19-11-2015 23:28 | 顯示全部樓層

唔辛苦,我鐘意寫野
回覆

使用道具 檢舉

發表於 19-11-2015 23:42 | 顯示全部樓層
好多時男或女都係要經一事長一志

                               
登入/註冊後可看大圖

來自Android App來自Android App
回覆

使用道具 檢舉

發表於 19-11-2015 23:46 | 顯示全部樓層
不論你係兄弟幫定姊姊淘,如果你有拍過拖,有失戀嘅經歷,試諗返轉頭,點解會失戀?問題係邊呢?每一段戀愛你總會學到野。人點解會成長?透過經歷,反思,學習,自然會成長。如果你每次拍拖都係分手收場,有無成長過呢?唔經過反思同學習,只會原地踏步,一直單身,68嵗都結唔成婚。

好中意你呢段。。。
回覆

使用道具 檢舉

 樓主| 發表於 19-11-2015 23:57 | 顯示全部樓層
芭蕉仔 發表於 19-11-2015 23:46
不論你係兄弟幫定姊姊淘,如果你有拍過拖,有失戀嘅經歷,試諗返轉頭,點解會失戀?問題係邊呢?每一段戀愛 ...

多謝多謝!
回覆

使用道具 檢舉

發表於 19-11-2015 23:58 | 顯示全部樓層
可惜嘅係廿一世紀好多“國粹”諺語,如易地而處、將心比己、己所不欲。。。已絕響,自我中心太強

評分

1

檢視全部評分

來自Android App來自Android App
回覆

使用道具 檢舉

 樓主| 發表於 19-11-2015 23:58 | 顯示全部樓層
Daniel0220 發表於 19-11-2015 23:42
好多時男或女都係要經一事長一志

唔仆過又點識大
回覆

使用道具 檢舉

 樓主| 發表於 20-11-2015 00:07 | 顯示全部樓層
本來無一物 發表於 19-11-2015 23:58
可惜嘅係廿一世紀好多“國粹”諺語,如易地而處、將心比己、己所不欲。。。已絕響,自我中心太強
...

香港嘅女人大部份都唔需要靠男人去維持生活,自然自尊心較強,自我中心比較重。
不難明白何解有部分男士鐘情於台灣女生甚至日本女性,無非都係: 温柔,肯聽你講野。
回覆

使用道具 檢舉

發表於 20-11-2015 00:09 | 顯示全部樓層
我覺得,女人梗係想搵到個照顧到佢的男人,係無可厚非的,
不過,都要睇返佢自己本身的性格,
性格好的,大把人仆住要啦,性格唔好的(如港女mode、唔食茶餐廳、管男人錢、小姐脾氣、check男方手機等),
呢d就好難頂囉,除非你係波多野結衣啦,否則就算搵到個伴侶,都唔會長久,更惶論結婚。

評分

1

檢視全部評分

回覆

使用道具 檢舉

你需要登入後才可以回覆 登入 | 新會員登記

本版積分規則

QQ|小黑屋|手機版|網站地圖|聯絡我們|Unite Thai Amulet Forum (HK)    

GMT+8, 6-12-2016 14:18 , Processed in 0.412479 second(s), 24 queries .

Powered by Discuz! X3.2

© 2001-2012 Comsenz Inc. | 正體中文: [數碼中文坊]

快速回覆 返回頂端 返回清單