大家入佛牌店會否有特別的感覺?

siusiusiu_

小弟還未有緣帶佛牌果陣, 陪一位已帶"佛牌"有一陣子的朋友順路走入一間佛牌店
果陣對佛牌認識好少, 幾乎係零, 正陰牌都唔識, 純粹零興趣
所以就算去左大家公認流流地既店鋪都唔知, (當然而家係呢到就唔開名了, 大家估下啦)

第一次, 唔知頭唔知路陪人上左去, 一入去個朋友就轉向左面睇野(非佛牌類的商品), 我就跟隨佢腳步
當時冇特別周圍望, 事關真係冇興趣.
之後個朋友睇睇下問下價就周圍望下咁, 係諗緊買與唔買之間周圍行, 向右面行(果邊放哂牌)
咁我又跟啦. 點解我要咁講明左右邊係因為好鮮明地我一行過去右邊就好頭痛. 明明左邊企左陣都冇事.
雖然果陣冇帶佛牌冇信乜野宗教, 但有聽開02節目, 所以知道頭痛係點解, 亦覺得店舖有呢類並不出奇
始終做生意ma...


第二次, 到我自己去請牌. 呢間牌鋪唔係第一次果間. 內裏完全冇頭痛既感覺
順帶一提, 真係買貴左好多,但比我感覺係安心少少(安慰自己)


唔知大家有冇類似經驗呢
正常牌鋪冇陰野, 會否又會令人頭痛呢?
過黎吹下水吧!

kaiwai5

我都會有頭痛

forvarin

剩係 仙達 果間有頭暈頭痛感覺 ，係上扶手lift望到間舖果野已經有
但其他牌舖就冇，反而覺得其他牌舖正能量好高（但都唔建議去，因為真d佛真係好貴）

補充內容 (5-11-2015 18:40):
因為d佛牌真係好貴

siusiusiu_

仙達 就冇去過, 皆旺睇模型就有

我頭痛果間果陣等lift落都痛(有種壓力壓住咁)  落完lift 行左陣先散
問同行朋友佢話佢都有,但佢帶住果D係果間野買...所以....我SUPPOSE佢冇感覺

bencasiya

去過多間佛牌鋪都無頭痛感覺~

un8888un

仙達 果間有頭暈頭痛感覺因為陰牌多

芭蕉仔

無乜留意 我自己就無咩點吾舒服 不嬲無咩感應

                               
登錄/註冊後可看大圖

PrimaLaw@FB

我就咩感覺都無，但係有一次我同朋友以及她嘅同事，去旺角chic x 堡商場，果度有好多牌鋪，我地想去買頸鏈，其中去到一間都未入門口，個同事大叫唔入，話好頭暈，其他就唔知！

Marron

我去過一次cheap ji bo，去睇鏈，淆曬底要男朋友陪。 可能有牌係身，頭痛就無，急急腳睇完就走。
行完男友話：你唔好自己上去呀！
點解咁講就唔知，我無問，亦唔會再上去

kikiki

有一次去九龍城買殼，入左間地鋪，企一陣已經勁頭痛～ 勁想快D走～ 出左鋪就冇事！後尾問人原來果度有陰牌供