{轉} 舊樓撞鬼

apple

我爸爸三年前仲係大廈看更，在大角咀工作。自從那件鬼怪事發生左之後，我爸爸以後都唔敢再做看更。　有一晚，大約晚上九點，一個住響八樓的太太外出回來時，在大堂一邊等，一邊同我爸爸傾偈。佢話：「最近每晚十點開始，對面屋的人就開始打麻雀，一直至到凌晨四、五點先停，拍門又冇人應，我今日記得先同你講。」爸爸答佢：「係唔係驚人投訴，唔敢開門呀？等我今晚上去睇睇。」 十點半左右，爸爸就遵守佢的承諾，上到八樓的生事單位巡一巡。該單位果然發出擾人清夢的麻雀聲，爸爸自然好盡責咁去敲門。
　當佢敲完一下後，麻雀聲立刻靜下來。跟住佢又自然咁敲第二下，見冇反應後，就離開。為左要警告呢家人，爸爸響第二晚再上到該單位。單位仍然發出麻雀聲，同時佢亦發現只有麻雀聲而冇人聲。
　爸爸正想舉手敲門之際，從鐵閘後半開半掩的門隙見到只有麻雀在麻雀檯自轉，而四邊只有四張空凳，但就冇人坐。佢當時被嚇到大叫起來，度大門跟住就好似被大力關上，啪的一聲，連麻雀聲都停下來。爸爸坐響地下，直到那位投訴的太太回來時，先至發現佢兩眼好似發青光咁呆坐在門口。
　為免令住客擔心，爸爸冇同那位太太講出佢所見到的。只係話佢已經警告左家人，同埋巡樓時覺得有D累先坐低休息一下，不過爸爸亦好心提議那位太太搵個師傅返來睇睇，原因係D樓有返咁上下年紀，少不免有D唔乾淨的存在。 第二日爸爸立即以身體不適理由辭職。佢做了看更十幾年，要轉工的話都唔知可以做D乜，而且佢都接近六十歲，所以我D哥哥姐姐亦勸佢退休，休息一下再作打算

lams04

原來對面用左自動洗牌麻雀檯

羅拉

唔好再做喇,真今次就冇事啫,點知佢哋下次會要求咩架.