找回密碼
 新會員登記
搜索
查看: 2406|回復: 2

{轉} 十五種職業禁忌

[複製鏈接]
發表於 30-7-2011 14:48 | 顯示全部樓層 |閱讀模式
棺材鋪:
開棺材鋪就梗係唔老禮,最緊要的既兩個禁忌,就係:
1)一定要係日落之前收工,廢時d遊魂野鬼走入黎啦。
2)一定唔可以貪得意訓棺材,生人訓死棺,你地話又幾唔老禮,俾錢 都唔制。

記者: 通常d意外的人通常都血跡斑斑,面目全非架啦. 聽講話記者去到意外現場,千其唔可以講好核突呀,對死者或意外者不敬的說話 , 如果唔係佢地真係會跟住你。

空姐: 以前的空姐通常都會養龜,寓意『歸』來的意思,因為好多時佢地身在外地,客死異鄉就唔好啦。

理髮鋪: 中國傳統,鏡不祥也. 所以舊的理髮鋪收工之前,都會將毛巾蓋住哂所有o既鏡先會收鋪,就係廢時俾d鬼走入去。

警察: 我諗好多人都聽過喇,就係無論點都好,晚上行必,千其唔可以除帽。 所以你地睇佢地追賊都係按住頂帽去追o架。 點解關頂帽事 聽講話帽頂頂花,好大殺氣,無鬼夠膽攪你。 仲有就係係凶殺案現場,都會莊住香先。 等被害的『人』幫手,等佢快d尋冤得雪。

演員: 如果演員要拍死的戲, 拍完之後導演要同你講:『做戲o既o者』 廢時d鬼信以為真,咁你就大件事啦.

導遊: 帶團通常最多時間同團友一齊o既時間, 就係係架巴士度。 係巴士度,導遊就梗係吹下水,唱下歌,講下鬼古。 但聽講話如果去緊一間酒店的話, 就唔可以講果間酒店的鬼古。 因為d酒店閑閑地幾百年歷史, 覺得你對佢不敬就唔好啦。

搭棚: 原來搭棚的竹,分新竹同舊竹。 所有臨搭棚的竹,都要莊香拜過1日1夜先可以上棚。 如果唔係就好容易會有意外咁話。

巴士司機: 好似係車廠出車之前,響一次大『安』,目的都係叫d朋友仔落車,俾d晨光第一線照親就唔好啦。

救生員: 老一輩o既救生員,都覺得有人遇難,除左泳術唔掂之外,都會覺得係水鬼作怪。 如果佢地救左一個人上水,就算真係無左氣都好, 都要係佢地耳邊不停講:『你未死架,你都未斷氣,快d醒番』之類的說話,目的就係想等d水鬼信以為真,離開遇難者, 咁佢地就可能會救得番。

騎師: 騎師o既禁忌呢, 就係騎師裝束上任何一樣野都唔可以『掛』, 尤其係對掛皮靴. 掛靴即係退休,離開馬場也。 聽講話幾年前有個好出名的騎師唔信邪,掛左對靴,之後一落埸隻馬突然癲o左, 個騎師跌左落馬,斷左條大骨,從此係馬場上拜拜。

仵作: 每當d人死左,都有人黎收拾條『咸魚』架,仵工,就係果d咁偉大的人。 佢地仲有一樣野做,就係將d舊『咸魚』係棺木度囉起上黎,削骨去肉,之後去入金塔或者入火化,再放係骨灰堂恭放。 咁敏感的行業,小禁忌講三日都講唔哂,咁我不如講個最緊要的禁忌俾大家聽。 就係無論點都好,唔可以唔見左『人地』身體的任何一塊骨,如果唔係就會得到同樣的報復。 我個朋友話,有個仵工唔小心唔見左『人地』個下巴, 又唔向『人地』講個對不起.之後一個星期發生交通意外,成個身一個傷口都無,剩係撞甩左成個下巴,你地話得唔得人驚 我聽到心都寒哂.

黃大仙解籤佬: 黃大仙解籤佬o既禁忌,就係唔可以講大話. 就算有個病到半死的人,求到健康的下下籤, 都一定要講出真相,依籤直說. 如果唔係就會應驗係自己度. 聽落我覺得似係專業操守,多過係禁忌。

漁民: 十個漁民十個都信天后,希望風條雨順。 初一十五食齋呀,依d我諗個個都會知。 但係佢地有一個禁忌,就係如果捉到一種叫做『車輪魚』的魚, 一定要掉番落海放生.聽講話捉到都已經會行衰運.如果唔信邪,分分鐘連命都無。 所以係街市,大家從來都未聽過依種叫『車輪魚』o既魚,就係咁解喇。

的士司機: 佢地的禁忌就係唔想駕入掘頭路, 驚有入無出,好容易掉頭的時間見到污漕野。 之不過好多司機,驚無貼士,已經唔會再信乜野禁忌蘿。
發表於 18-1-2019 12:10 | 顯示全部樓層
多谢分享
回復 贊好 反對

使用道具 舉報

發表於 20-1-2019 02:29 來自手機 | 顯示全部樓層
#2抄人post?
回復 贊好 反對

使用道具 舉報

您需要登錄後才可以回帖 登錄 | 新會員登記

本版積分規則

QQ|小黑屋|手機版|網站地圖|聯絡我們|Privacy Policy|Unite Thai Amulet Forum (HK)

GMT+8, 29-3-2024 02:34 , Processed in 0.110691 second(s), 25 queries , Gzip On.

Powered by Discuz! X3.5

© 2001-2024 Discuz! Team.

快速回復 返回頂部 返回列表