是不是不倫正邪的人都可以求四面神

tommy1991111

為什麼從事偏門行業的人也可以從逆時針方向求他？還是在神的角度沒有對與錯？？ 謝謝



而且從百度的四面佛百科也見到這一句
關於魔方面，魔王“黑冉亞卡西普”(Hiranyakasipu)向梵天祈禱許願，梵天應允了他的願望後，從此整個世界都被魔王所統治，最後要由“毘濕奴”化身為“人獅那羅辛哈”擊敗魔王，把世界拯救回來。

是不是什麼人，不倫正邪，黑白兩道可以求四面神？

gmg168888

師兄！呢個問題幾....深..！仲可以變出好多其他問題！.....偏門行業......有幾偏？..黑社會？...賣[Ｋ]？...走美金？   夜總會？  小姐？ ....等等...太多        而....  是不是什麼人，不倫正邪，黑白兩道可以求四面神？....呢個糸小問題！...想求乜野....先糸一個問題！

小小牛

百度這一段似係神話傳說

我聽過一件事跡, 有位(好似係馬來西亞)黑社會成員被控告(罪名我吾記得了), 他對掛係身上的佛牌許願, 如果今次被控告無事, 以后一定洗心革面, 離開黑社會, 以后都不會再犯法原本政府已經掌握了足夠的證據釘死 e 位人兄, 但結果郤在開庭前一日, 政府突然撤消了對他的控告   而這位前黑社會成員, 亦遵守了他的成諾, 以后做番個好人

所以, 正如樓上師兄所言, 你求什麼才是重點所在, 就算你是普通市民, 你試下求四面神幫你做傷天害理嘅事, 你睇下四面神會吾會幫你

TAISIN

求之前應該要明白有因果同報應。

PrimaLaw@FB

答案：不論咩人都可以去求任何神佛，問題係佢會唔會理你。自然要睇緣份，仲有究竟求d乜嘢?

PrimaLaw@FB

呀！ 仲有差d睇漏眼：你問「為什麼從事偏門行業的人也可以從逆時針方向求他」，但係根據我所知，逆時針拜嘅係從事不固定收入工作嘅人士 eg. Sale 、投資人士、經紀、freelance等，唔係咩偏門行業喎，師兄好似搞錯咗!

tommy1991111

PrimaLaw@FB 發表於 4-10-2015 21:57
呀！ 仲有差d睇漏眼：你問「為什麼從事偏門行業的人也可以從逆時針方向求他」，但係根據我所知，逆時針拜嘅 ...

原來是這樣，我明白了，謝謝回覆！！

tommy1991111

小小牛 發表於 3-10-2015 09:29
百度這一段似係神話傳說  

我聽過一件事跡, 有位(好似係馬來西亞)黑社會成員被控告(罪名我吾記得 ...

只要願望是從善心方向走，四面神一定會幫助的，謝謝！

Fabart

好多佛牌，包括屈當的四面神，亦有題及把壞人改變成為好人。
而龍婆koon 大師既佛牌亦救過好多人，有好多事蹟。
有個報導係講，好多壞份子都有戴上龍婆koon製作既佛牌，由於每次警方出動捉拿這些壞份子時，有時甚至槍戰，這些壞份子都能安然避過。而令警方好頭痛。
有記者拜訪龍婆koon，請教龍婆koon關於此等事，壞人也幫助佢嗎？
龍婆koon回應，好人固之然要幫助，同時都會保佑壞人。因為希望壞份子在危難到來一刻，能得到佛法幫助佢安然避過，保存好生命後反省所做的壞事，從而改過自身變成為好人。
所以幫壞人唔係幫佢造壞事，而係幫助將壞人改變成為好人。
近似係有教無類。