冇你地諗得咁易架！

阿森

最近有好多師兄師姐問我包膠可唔可以自學，我唔怕講比大家知，我都係自學的，跟住就同我講，師兄我都想自學呀，可唔可以教我呀？咁...你想我教？定係想自學？哈哈哈！講笑！
其實我一啲都唔介意大家交流下，不過我想講，呢門手藝真係好難，要做起一尊牌唔難，要做得靚係極難，唔好以為我講完比你聽點做你就可以做到，要完成一個見得下人既防水殼，首先要經過無數次既失敗，灰心，金錢既損失，整爛晒啲粉牌，比人插....等等......然後放棄既諗頭會由腳底直沖上大腦，跟住你又要將佢迫番落腳底...最後，你先會有少少成績！
老實同大家講，我由開始自學到而家差唔多一年，包左超過二百個牌，但係到呢一刻我都覺得自己只係頂多叫做合格，距離成功仲有好長好長既路......仲有排學.........

luiho

勁!無師自通

LarryNg@FB

森哥祝你早日成為行政區獨當一面專業人士

mingwong814

森哥加油啊

阿森

其實都唔係完全自學，喺開始之前都有師兄陪我去買架餐，如果冇佢，我都唔會開始到！

Marron

好多野都唔會一步到位。 困難一定有，做咩事都係靠兩個字：堅持！

繼續加油！唔好放棄！

真係包得好靚！

小小牛

我就無咁嘅心機學喇

ShinHO@FB

sam哥，我都想自學呀，可唔可以教我呀？

dondon

線條都好好！色又襯得唔錯！睇得出係心機之作！靚!勁呀!加油呀師兄！

阿森

Marron 發表於 18-6-2015 13:32
好多野都唔會一步到位。 困難一定有，做咩事都係靠兩個字：堅持！

繼續加油！唔好放棄 ...

你都要堅持呀！