龍普開古佛塔挖出結緣的南帕亞女皇佛

PrimaLaw@FB

師兄咁有興趣嘅,你喺泰國架? 我每次都是從機場出發!

yyou2015

謝謝分享

cly

唔係呀！咁啱下個月準備去清邁旅行,又想去D非遊客常去嘅廟，咁啱又睇到師兄你個貼!啱晒，好開心'呢!多謝師兄

cly

重想請教師兄，如從机場去,大概幾耐車程同埋搭的士定其他交通工具?謝:！感激

PrimaLaw@FB

你想去非遊客的廟，其實除了雙龍寺之外，清邁仲有好多廟都是非遊客常去的。  你去到機場會見到裡面有counter 寫明hire car, 你去櫃檯俾地址佢睇，佢會安排的士。是分區收費，機場去這間廟，好像二百銖左右。 到時你自己睇個分區收費表，不過佢都應該唔會呃你。

cly

多謝師兄既資料

cly

多謝師兄資料!本人己經拜會咗師傅，師傅真的很好人,重用超結緣價送左好多嘢比我，仲幫我起左個泰國名俾我,又叫我陪埋佢食飯!又帶我去另外嘅廟拜會供僧!令我有点受寵若驚!謝師兄

PrimaLaw@FB

cly 發表於 3-7-2015 01:50
多謝師兄資料!本人己經拜會咗師傅，師傅真的很好人,重用超結緣價送左好多嘢比我，仲幫我起左個泰國名俾我, ...

是呀! 間寺依家點呀?有咩人喺度呀?
上次我返去時是舊年11月…… 師傅送d咩俾你，擺上來睇下……

cly

之前間廟係點,我唔知道吖，哩次第一次咋！但嗰日去度師傅道,有一家人已經等緊!之後師傅出現喇，個樣真係好慈祥，仲同佢哋一家做咗D法事!足足成粒幾鐘!但哩家人嘅媽媽話師傅好LiKe我哋，然後到我哋時師傳成曰笑容滿面，叫我哋明天返嚟，話有嘢俾我哋!到第日返去見到成堆有錢佬,係咁一叠叠咁供比師傅，但師傅好似應酬咁，又唔會好熱情招呼嗰種,反而成日捉住我哋笑哈哈！之後仲叫我哋一齊食飯，食完飯之後師傅叫我哋扶佢去厠所,原來帶我哋上樓去佢嘅睡房,之後係咁攞咗D牌，自身像有大有細咁，！開心嘅並非因為D牌，係因為係佢嘅德行,並非有錢就會對你好嗰種和尚!至於廟裡面有幾多人我真係唔知,幫我翻譯嘅(Tumanoon)係佢貼身服待嘅人，人亦唔錯!唔會叫你俾錢喇，俾錢喇個種人!之後師傅又再叫我哋返去話帶我哋去(龍普wang)完寂嘅廟!仲係原封嘅小屋完寂地點!今晚影試吓放上嚟!

PrimaLaw@FB

上次有個泰國導遊帶人去廟，佢自己未去過，係台灣善信請佢去做翻譯。