從帶佛牌到三皈依 (純粹個人有感而發的分享)

lwh2011

幾年前開始接觸泰國佛牌, 漸漸地越加搜集收藏, 不時到泰國寺廟中恭請聖物, 家中收藏了過百件正牌聖物 (但零件陰牌, 因為絕不供陰), 當中少不免會跟其他網友一樣追查聖物的出處, 會否有假等等, 有時亦覺得頗為惱人的.

另一方面, 又會問自己, 既然帶了佛牌, 何不了解佛牌背後的佛教信仰是怎樣的? 於是開始找一些書來讀, 又聽聽一些網上佛教頻道, 明白到正信佛, 講的是因緣、業報, 祈求有福報是需要自己修持種福, 人的禍福得失皆源於過去因果, 即想自己好, 自己開始修持種福, 想自己衰, 就繼續作惡 (應該唔會有人咁傻仔), 一切無須外求,  禮佛拜佛最重要的是提醒自己, 以佛為榜樣行善. 當自己越去了解佛教, 越覺得有道理, 越覺得需要繼續學落去, 於是在近日正式在一個正信道場內皈依了三寶, 成了正式的佛教徒.

現在佛牌也放下了, 未有再帶, 因為佛經說, 皈依後自有龍天護法保護, 現在一眾佛牌聖物已妥善收藏. 有趣的事, 最初因求事而接觸了佛牌, 因佛牌而接觸佛法, 後來皈依了三寶，皈依了後明白無須執著而放下佛牌, 相信一切都是善因緣.  

相信自己仍會收集佛牌, 因為到寺廟尋寶的過程實在喜悅, 但心態將由以往祈福求事轉變為收藏珍寶.

純粹個人有感而發的分享.

danielchung

好有同感

因為我同你既路都幾相似

明白福係積而唔係求

Kinshin

認同，依家就算戴都係習慣一塊同習慣好似帶個師傅係身邊一樣

Rajini

佛教並不是宗教信仰,其實是一種學習，
佛陀沒有教人去戴佛牌衹求什麼什麼,
佛陀只是一個覺悟者,所說出只是滅苦之路,
有因緣的眾生就會跟隨學習。

所以佛牌只是一個給予因緣渠道而已

kkk

有時戴佛牌係比自己一種警惕。人難免有錯。有時見到佛牌就會比自己多種警惕不可做邊D事

ahyip1314

呢個真係營養POST!

lwh2011

謝謝各位留言，願大家好好種福，得享善報，利益眾生

roy911

多謝師兄分享寳貴經歷

小小牛

e 個世界係有咁嘅傻仔嘅