有感而發...網絡世界的好與壞+時下既風氣~

barry啤梨

科技先進真係有好處同壞處..簡單分享下我當初點解會接觸到佛牌同而加香港人帶佛牌既風氣...

話說當年17歲既我買左本雜誌返屋企打算搵暑期工做..點知睇到某一頁某一鋪頭賣既廣告..有好多唔同種類既牌有好多唔同既"效果",從此我就被深深吸引住..
一開始..水魚期唔知頭唔知路上網SEARCH左好多網站睇左好多簡介,果陣時既我大概已經知道邊款牌打邊款牌,直至決定行動去左西環某位牌商到請牌到後尾認識多左發現自己原來係一條肥魚無計,新人總要交下學費..不過慶幸5年以黎暫時仲未請過一塊假野

相信好多朋友同我一樣接觸左佛牌一段時間之後就會認識到原來佛牌呢樣野係源自泰國(廢話...),泰國既佛教原來係同我地中國流傳既佛教既教義略有出入..慢慢地我就俾無上既佛法感化左...但!!!好景不常!!後來認識左一班志同道合既朋友(我以為...)我就開始認識左原來有陰牌呢樣野既存在..不過呢部份我就SKIP左佢唔講,同埋自己都唔係好想同提返起..不過第日有緣見到面大家又想知既話我都會分享~大概沉淪左一年到..果陣時19歲我跟左我師父開始學玄學..基本我同我師父既關係都好亦師亦友加上佢都係好後生(31歲)所以除左學野外我地都會傾好多私人野..有一次佢知道左我沉淪既情況後佢問左我一句"點解你有神唔拜走去拜鬼?"(PS.我師父係無神論者)唔知點解果一下成個人醒哂咁..於是就將屋企所有"PEE"拎左去廟到..
自此之後..除左一路研究佛牌外仲會上網去睇好多關於南傳佛教既文章已經唔淨止係FOCUS係佛牌到,係真心俾佛法感化左個人亦都改變左好多..所以真係好感激佛祖能夠俾我係咁年輕既時候已經接觸到佛法~我估好多人同我當初接觸佛牌既原因一樣,好奇,多左件法寶,搵多D錢不外乎種種原因,但最後結果有D人一成不變..佛牌=法寶,越帶越搵唔到錢(洗牌既過程)於是唔信,越唔信想求果樣野就越冇,最後唔信甚至乎將塊牌放埋一二便唔帶..(好彩我個人不嬲比較單純,好少話會懷疑所以有幸昇華到另一個層次)

去到依家既我既心態就係合眼緣就請,KEEP住拜神既原因係無乜特別野所求,但求平平安安~~

但係發現近呢一年好多年輕人帶佛牌有好多好出奇既原因,包括:型,威(塊牌越大就越威WOR..)唔洗做有舊錢跌落黎,希望塊佛牌可以送條女俾佢,要挽回前度的心...講到呢度我只能夠嘆一聲氣..唉~點解會變到咁..其實好大原因係外地既風氣傳入黎而造成,新加坡,馬拉,台灣...結果造成牌商賣既廣告越賣越誇張越賣越不知所謂...但客人們又受WOR(因為佢地一知半解變相人講乜就信乜..)一個願打一個願捱..D牌商咁輕易就搵到食,仲唔有咁大吹咁大咩,再加上依家好興ONLINE SHOP,FB呀IG呀..講野都唔洗負責任衰左咪開過個名囉..結果網上既世界係非常之九唔搭八,最搞笑一次我上網睇到白欖佛牌既"功效"係令前度回心轉意..(好心搵食都用下腦啦..)
同大家分享個CASE係一個18歲既小妹妹(我朋友個朋友)佢差D就瀨野,佢話好想同返之前既男朋友一齊,話去左一間鋪頭度問可以幫佢做法事收佢$3888...我真係當堂嚇左跳然後得啖笑..跟住我就"兇"佢,我問"你係咪真係好鐘意你個EX?"佢話"係"我話我識得有D偏遠既地方有D法師可以幫你做法事令到你個EX同返你一齊,仲要係一生一世果隻!但大前題係你都要愛佢一生一世,如果唔係後果自負!!!佢即刻呆左..然後我就問佢"你係咪真係要做法事??快D答我!!"佢就話"其實將來既野又真係冇人知既..我都唔知自己第時仲會唔會鐘意佢..."之後我就話"妹妹,你仲咁細個唔好諗咁多野啦,依個階段最緊要俾心機讀書,唔好哂哂父母既錢去做埋哂D ON9野,父母搵錢有幾辛苦第時你就會感受到.."
話題就咁就完左..唔知佢聽唔聽得入耳..但總算盡左自己能力去話俾佢知咁樣做係唔好,緣份總算令我同佢相識一場啦...
風氣既野始終唔係話變就變..但係我能力範圍我解答到就會解答..說到教就盡量說..希望有朝一日佛法可以感染到更多既年輕人


*打左呢篇野成半個鐘..好歹都留下言啦

ken92869813

啤梨

                               
登錄/註冊後可看大圖

分享


平 安 是 福

barry啤梨

ken92869813 發表於 1-9-2014 02:52
啤梨分享

多謝你睇哂我篇長文呀

KnuckleCheu@FB

我都睇左，支持你

IvanWong@FB

{:6_327:}{:6_327:}{:6_327:}

狂少

讲得好{:6_327:}  其实我同你都有点相似。我都系十五岁就开始接触左佛教，然后通过佛法我慢慢从一个（古惑仔)变翻成为一个（乖乖仔）。有时候有人问我点解你甘小就甘虔诚信佛。我都会答佢因为我觉得系佛法改变佐我，改变佐我嘅人生，同埋我觉得佛法真正让我信服。人嘅一生肯定都会经历好多好多D事，从哩D事中慢慢明白，成长过来。但我庆幸虽然我经历甘少但却有机会通过佛法明白好多嘅人生道理。所以我好感恩佛祖多谢佛法。如果冇佛教冇佛法冇伟大嘅释迦牟尼佛亦冇今日嘅我。

學者

很多時候唔系風氣嘅问题 、系啲資料出咗问题!

小小牛

師姐, 請注意一點, 中國傳承的 佛陀經典和教法, 是包含「聲聞乘」的, 自漢朝 佛教傳入中原, 中國自古以來到民初都曾經出過阿羅漢, 所以就 佛陀的聲聞教法這一點上, 中國並沒有不同於泰國, 只是泰國人和泰國的出家人不明暸此點

小小牛

關於網絡世界, 凡事都有好與壞的了, 例如我, 如果無網絡, 無 Unite, 我亦只能俾佛牌舖賺我d 錢, 怎至會用高昂的價錢請到的只是假牌或者陰牌

所以 師姐能在網上分享自己的以往經歷, 讓多些佛牌的新手能明白一些牌商和網上賣牌人的卑劣, 已經發揮了網絡的優點了 希望 師姐繼續努力, 宣揚佛牌的正道 {:6_341:}

Heabatov

多謝Barry分享

現今風氣真係 成日見到一群群MK仔成頸佛牌戴係衫出面
鋼鍊加頸後一大條符通可以話係佢地既標記
如果真心親近佛法戴正牌都好 但呢班MK連自己戴緊乜都唔知
隨時在不知情既情況下供緊陰 (當然亦有好多知情下供陰)