睇完電視輕鬆分享下！不喜勿插！

Ming0901

今日係朋友口中得知TVB有個節目叫（沒女大翻身），好奇嘅心態低下去睇下依個節目啦！（唔知咁多位師兄師姐有無睇呢？）好多人睇完，可能會笑個幾位女嘉賓！在我而言，睇完感覺都幾大！好佩服個幾位女嘉賓，覺得佢地好勇敢！敢係全香港咁多人面前講出自己嘅故事，講出自己嘅弱點，唔好嘅地方！試問有幾多人又真係可以誠實面對自己嘅缺點，弱點呢？仲要係對住全香港嘅市民面前，放低自己嘅尊嚴，面子！的確勇氣可加！每個人都有自己嘅一個故事！但係當自己同其他人分享嘅時候，又會唔會用真實無加無減嘅故事內容同其他人分享呢？依個節目令我覺得好有意思！提醒左我幾時都好，要誠實面對自己嘅所有野包括弱點，缺點！小弟仍然努力學習中！可能會有人認為依個係TVB嘅炒作節目！無需認真對待！但我自己睇電視好簡單，我唔會用太複雜嘅思想去解構電視節目！小弟認為各女嘉賓有膽量上依個節目，已經十分唔簡單，亦都係距離目標踏前左一大步啦！在此祝願各女嘉賓改變成功！加油！

本人仍是新手一名，如有講錯野嘅地方，望各師兄姐多多包容！

danielchung

一部份認同師兄既分享

認同某些節目會對一些人得到各啟發/ 反思，至少，師兄你睇完都會反思到自己所欠缺，亦啟發出自己需要點改善。

但播得出黎同聲稱真人SHOW既，其實都一定係經過修飾既，所以亦不用太著意，因見師兄話 "睇完感覺都幾大" 呢D節目就唔好太上心啦，以免影響自己思路

OttoWong@FB

多謝師兄分享，，，{:6_327:}

IvyTsuiYee@FB

好似踢爆係記者扮沒女...

paul9800

其中有一個 真系想大把大把打落去

carson_ho

香港越來越亂，咪多謝呢d咁既廢柴諗d咁既節目出嚟囉，
都唔知有咩好睇……

阿森

多謝樓主分享

hong1109

好似比人踢爆左有做假
其實我覺得呢d節目好無聊

Ming0901

謝謝！各師兄的回覆！

anna

謝謝樓主分享