|
我係一個sales,要跑數,我以前係唔會好信佛的人,幾年前工作上不如意,差不多半年都跑不到佣金,同老闆有微言,到最後因為一單小事同老闆反目,即時比佢炒魷魚,之後我仲去勞工署告佢,佢陪番啲錢比我,所以我同老闆都反晒面。
跟著之後日子,我再揾工,揾左好多份工,都係等消息,無回音,由於嗰時係金融海嘯,零售業底迷,唔炒人都已經好好了,所以我足足無工番成9個月,嗰段日子裡面,日日無所事事,夜晚有時都會聽下恐怖熱線,消磨下時間。
有一日,有個聽眾打電話上去講自己經歷,個聽眾又係好似我咁,失業,無野做,於是佢有一個朋友介紹佢去拜象神,之後兩個星期內得到一份新工,我聽完之後覺得有無咁靈呀,於是我上網去揾到呢尊象神地址,膽粗粗又去試下喇,去到,見到有一尊好大的金色象神,同一尊好似四面神的神象(後來我先知係9面神),裡面有一個呀姐,一個呀贊,呀贊係香港人嚟,咁我同佢講我情況,咁之後我就拜神,許個願,希望快啲揾到份工,之後同呀贊傾左幾句,佢話成願就要番嚟還神呀,當時我都係當見識一下,無咩為意,之後我就離開,我離開時我睇左隻表係下午3點半,跟住同朋友去食飯喇,係去食飯途中,大約係4點半,我電話響,我睇一睇來電顯示,我舊老闆打嚟,我心唸我都同你炒大鑊,你仲打嚟做咩,一聽電話,佢就同我講,問我當時有無番工,如果無的話,叫我去另一間公司見工,我當時覺得好奇怪,但我都應承左佢,收完線,大約過多一個鐘,我舊同事打比我,話佢朋友公司等人用,叫我去試下見工,我又應承左佢。之後第二日,我去晒見晒兩份工,好順利兩份都請左我,無問題,最終我揀左一份比較好條件的工,呢份工,我一直做到現在。而我由嗰時開始,每個月都會番去還神,之後工作上都好順利。所以我由當時開始,我就好鐘意同信象神,我覺得象神幫左我好多。所以我求的第一個佛牌,都係象神。
純粹分享一下,不喜勿插
|
評分
-
4
查看全部評分
-
|