新手中招 - 好靚嘅一件"飾物"

愛飛星

商業加工廠加少少假！

wesley427

話說小弟時不時都仲會去嗰間舖買下香同酥油燈之類（因為就腳），上下香咁。咁都會同個老闆吹下水，吹得多佢啲好笑野就黎啦。

早幾日我去佢度，見佢無客咪吹陣水。我話想睇下啲坤平，小弟雖然牌齡淺，但由於近來都成日流連佛牌討論區又有同啲師兄們請教下，所以啲出名師傅嘅牌都略知一二。

我見到佢個飾櫃有兩尊LP Poon 百日坤平，咪問佢拎出來睇下。（我嗰時剛剛睇完網主教分呢尊牌真假嘅post）佢尊牌係真係假我就唔敢肯定（有啲色出界咁囉），但係我問佢邊位師傅造嘅佢嘅答案係LP Key。

跟住佢講講下竟然扯左落另外一尊同我嗰尊"皇宮版"同"系列"嘅牌度（名稱由阿樹 Tei 師兄提供）。

佢同我講，有另一個客請左一尊同"系列"嘅牌，之後個客連續幾日都開到大單，用一個星期做左其他同事一個月嘅數。後來佢有個同事見到佢尊牌，一口咬定話係假，因為無可能咁平（同我嗰尊一樣恭金）。過左兩日佢個同事同佢講返因為自己喺元朗請左尊一模一樣要五位數，又唔抵得佢呢排咁好數所以話佢假。

之後呢個客返左黎舖頭同佢＆亞贊（個白衣間唔中喺舖）講返呢件事，仲同佢地say sorry，話因為佢同事嘅說話，佢都有懷疑過尊牌係假...

老闆講到呢度，有客入左黎問野，咁我就告辭了，如果唔係我怕我真係笑左出聲。

P.S. 呢個老闆又有度好，我成日走去睇完一大餐無幫襯佢又永冇黑面（都可能因為已經劏左我啦），同埋佢又真係好多客。

wesley427

愛飛星 發表於 11-12-2013 23:39
商業加工廠加少少假！

師兄說話真厚道，如果係真咁我真係要返去同個老闆道歉。
唔好誤會，我花左咁多錢如果有機會係真牌我求之不得。

ChangOn@FB

師兄！間嘢係咪喺元朗呀？

wesley427

ChangOn@FB 發表於 12-12-2013 15:22
師兄！間嘢係咪喺元朗呀？

唔係，係九龍區

joey

我而家請牌唔係求力量,係求精美

LouisKwan@FB

UM... 潮物?

Amber

wesley427 發表於 12-12-2013 00:08
話說小弟時不時都仲會去嗰間舖買下香同酥油燈之類（因為就腳），上下香咁。咁都會同個老闆吹下水，吹得多佢 ...

佐敦

xyz

你好。可以說店舖在那裡？我牌年同樣小，我們可以多分享。如果適合自己佛牌，一個足夠，私人意見。我現在帶坤平，有時帶JTK，感覺好強勁和累。每人不同。

wesley427

xyz 發表於 16-12-2013 21:20
你好。可以說店舖在那裡？我牌年同樣小，我們可以多分享。如果適合自己佛牌，一個足夠，私人意見。我現在帶 ...

已pm師兄， 可以分享下戴緊邊尊坤平同jtk嗎？感覺如何強勁？

輪流戴嗎？