「轉」幫男友變成Better Man的好方法！

老婆豬

幫男友變成Better Man的好方法！

可能好多人都曾經面對過/着「唔成熟」、「唔長進」嘅男朋友，雖然好愛，但佢嘅唔成熟行為/心智就令人覺得睇唔到大家嘅將來。有女人相信佢將來會改變，有女人唔想冒險。有人決定放棄，有人拔苗助長。或者，世上有更好嘅方法同選擇。女性要先了解並接受男人呢種動物。「成熟」、「長大」對佢哋嚟講係陌生嘅名詞。無論係受基因定係社會、文化嘅影響，普遍女性都比男性先掌握男女關係間嘅複雜性、社會上人與人間嘅微妙關係，亦即係社會上大部分人認受嘅「成熟」。對待男人的原則要推動另一半成為更好嘅男人，順利過度到彼此都滿意嘅彼岸，你就要掌握一啲重要竅門：

1. 好似對小男孩咁對待佢哋

2. 唔好命令/叫佢哋點做點做

3. 鼓勵/獎勵比懲罰更有效

4. 千萬唔好要求佢哋改變自己個性

可行方法：

1. 了解男性尊嚴嘅重要性，並加以利用。將你嘅要求用糖衣包裝一下先提出，例如話：「咁啱你換緊燈膽，你會唔會有時間整埋個門鎖？我知道你最鍾意將屋企變得整整齊齊。」佢或者唔會發覺你嘅意圖，就算發現咗，都會很易受落。記住：喺你面前嘅，係內心住咗一個小男孩嘅男人。

2. 當男人做咗一啲你想佢做嘅事時，問佢係點做到。男人鍾意解釋佢哋嘅成功事蹟，佢哋越覺得自己叻，就越鍾意一再去做。例如當佢工作上嘅project完成得很圓滿，就等佢同你講一次成個過程，強化嗰份成功嘅優越感，以後佢會努力向成功嘅方向走去。

3. 等佢認為係佢嘅主意男人都唔鍾意被指使，所以如果你為佢訂下大大小小嘅計劃，佢只會反抗或拖延。例如你想佢幫你搬動家具，可以問他覺得應該點樣搬，咁樣既可以俾個機會佢教你嘢，又可以俾佢做打救你嘅勇士。

4. 含蓄的激將法你叫佢買廁紙但遲遲未買，你可以同佢講：「我見你好似好忙，我都係聽日自己去買喇。」咁樣可以傳遞你嘅底線，又令佢有啲啲內疚。不過呢個方法唔可以成日用，而且只能從小事上出擊，一啲危害到佢自尊心嘅題目就千祈唔好用呢個方法啊！

5. 重視佢嘅需要同感受男人需要受到尊重，即使佢做錯咗，都唔好肆意批評，咁樣只會大大打擊佢嘅自信，對雙方都無好處。容許佢有犯錯嘅空間，默默地陪佢度過難關。如果你可以做佢最大嘅fans，欣賞佢，話佢知佢有幾叻幾好，提醒佢以往做得有幾好，佢就可以好快振作返，成為一個更好嘅男人。

6. 欣賞佢嘅好，話佢知你有幾開心。唔好吝嗇你嘅感謝。當佢為你煮了一餐飯、洗咗一盆碗碟，甚至只係遞上一張紙巾，都要記得講多謝，不妨講得仔細啲，例如「多謝你煮飯俾我食，好好味！多謝你咁錫我。」一般嚟講，男人都覺得自己有令伴侶快樂嘅責任，如果你經常都諸多不滿，只會令佢感覺挫折，或放棄令你開心。自我調節‧耐心十分重要，唔好急住去改變佢。持續製造容易令人心靈成長嘅環境先係長遠之策。‧如果你哋感情穩定，佢一直都咁愛你、有交帶、有責任感的話，不妨降低你嘅期望，提升對佢嘅欣賞度。‧如果你哋相識不久，感情無基礎，都係先了解佢多啲再算吧！‧如果你相信自己對佢了解夠深，而佢唔係唔識點做，而係純粹不負責任、游手好閒之徒，你應該好好為自己打算一下喇！