|
件事發生喺8-9年前嘅一個晚上.
當時我喺一間夜店返工,做侍應。
位置喺灣仔,銅鑼灣之間.
因為我工作嘅地方比較多明星,名人出入.
所以大門係密封,外牆亦冇窗.
雖然係地鋪,一關上大門就好似與世隔絕.
記得有一晚,大約兩點鐘啦!(點解咁記得?)
因為每個weekend兩點後就係disco time.
嗰晚生意好好,好忙.所以bartender叫我
幫佢上閣樓攞紅酒.就因為咁,所以故事正式開始..........
上去storeroom無論攞貨,又或者換衫.
所有人都會揾人陪,包括菲律賓藉嘅男bartender.
冇辨法之下我唯有頂硬上一個人上去,
行到樓梯底喇!望見度門都滴汗,開咗密碼鎖就係條略有微光嘅樓梯.
上到頂有兩間房,A房放雜物.舊傢俬,B房就放收銀机銀頭嘅錢箱.
大家記住兩間房都係上咗鎖嘅,同埋冇窗,冇冷氣.(更加冇嘅係人氣)
好記得當晚啲紅酒係放喺B房門前,心想:唔理咁多,快啲攞落去啦!
最衰係唔只一隻紅酒嘛!點解揾極都唔啱架?
當我正摷緊啲酒嗰陣.............
B房門突然發出轟轟聲,係好似有人喺房裡面拍度門.
唔驚.唔驚.自己氹住自己先啦!有風啫!
話口未完又嚟!呢次仲頻密過頭先.
嗰一剎哪已經驚到脚軟,又心急要攞嘢呢?頂住呀!
好喇!轟完喇!都未夠兩秒度門竟然自己(山)埋 .
門鎖仲係自己向左轉,好似有人扭門咁.
我不停地大叫,好驚.跑落樓梯,三四級咁跳落去.
即刻揾人壯胆先啦!咁啱清潔嘅阿姨经過.見我面都青晒,
经了解後同我一齊再上過去,冇計啦!清潔阿姨點識自己揀紅酒呀?
阿姨帶頭行,仲問收銀員攞鎖匙上去開房門.房依然死氣沉沉,
之後阿姨仲打完場添!(佢)係蝦你一個人上嚟啫!而家味冇事囉!
事後老闆裝咗關義哥,之後又裝修過.將荒費嘅閣樓整到好光猛.
兩間房打通咗做karaoke房,之後就冇乜事.
其实除咗呢次之外仲有好多嘢架!
所以呢間karaoke轉手之後冇幾耐又執笠.
幾年後都未有人肯租呢個鋪位
|
|