Unite 香港佛牌討論區

設為首頁收藏本站

Unite 香港佛牌討論區

 取回密碼
 新會員登記

QQ登錄

只需一步,快速開始

Login

免註冊即享有會員功能

搜尋
檢視: 490|回覆: 0

{轉} 夜半鬼挖墳

[複製連結]
發表於 14-8-2011 11:32 | 顯示全部樓層 |閱讀模式
本帖最後由 apple 於 14-8-2011 11:33 編輯

「時間唔早,上床訓喇。」俊華看看時候不早,決定上床就寢,「都唔知點解,近排鬼咁(支力),明明冇乜o野做過……」

俊華剛滿18歲,年青力壯,照理應該精神奕奕的。但不知何解,他最近無故感到異常疲累。

俊華上床後,不消一會便睡著了。到了夜半時分,他卻突然起床,但卻沒有醒過來,一直處於昏睡狀態,和夢遊沒有分別。

俊華在毫無意識下更衣,接著外出,在外面整整忙了兩個多小時,才趕及在天亮前歸來。回家後,他直接上床,和衣而睡,直至天亮。

「咦?點解會咁樣o架?」

到了早上8時,鬧鐘把俊華吵醒。他看了看自己的狼狽樣子,不禁吃了一驚。

「咦?我明明著睡衣訓o架!點解而家換o左衫o架?而且對鞋仲踩到成腳泥?我到底去o左邊度呀?」

俊華感到不安,於是把這件怪事告訴朋友。

「你肯定唔係夢遊病?」俊華的朋友問:「咁……唔通你惹o左污糟o野?我建議你去死人習作事務所求助。」

俊華聽罷,決定找拿拿淋和CY二人幫忙。

「呢度……就係死人習作事務所?」俊華依著地址去到事務所。

「冇錯,你有事搵我o地幫忙?」拿拿淋問俊華。

俊華點點頭,說:「我……我發生o左o的好唔尋常o既事,我……」

CY:「唔好咁緊張,坐低至慢慢講。」

俊華冷靜下來後,將自己的經歷告訴了拿拿淋和CY。

拿:「我o地暫時都唔能夠判斷你惹到o的乜o野。」

CY:「最好由我o地留o向你身邊,睇o下你到o左夜晚有咩變化。」

俊華:「咁就勞煩兩位。」

當晚拿拿淋和CY去了俊華家。俊華上床休息後,二人仍在屋內守候。到了凌晨3時,俊華開始出現變化。他和之前一樣,無故起床、更衣和外出。拿拿淋和CY跟隨在後。

俊華出門後,一直步行去墳場。

拿:「去墳場?睇o黎真係同靈體有關。」

CY:「最奇怪係我暫時仲未感覺到佢身上帶有陰氣。」

去到墳場,俊華一言不發,跪在地上便用雙手挖泥,挖過一個墓,便開始挖另一個。

拿:「佢搞乜呢?」

CY:「我都唔知。」

拿:「係咪有靈體操縱住佢呀?」

CY:「我答你唔到,墳場陰氣好重,我根本分唔清陰氣係咪o黎自佢身上。」

俊華「挖泥」挖了近兩個小時,終於停手,並開始離開墳場回家。

走出墳場外,CY嘗試感應,但一點也感覺不到他身上帶有陰氣。

CY:「唔通俊華惹返o既靈體太犀利,已經同佢二合為一,所以我完全感應唔到?」

拿:「事到如今,CY!幫幫手,我想開天眼睇睇。」

CY:「好!」

CY將手搭向拿拿淋,將靈力傳送過去,令拿拿淋產生開天眼o既能力。

拿:「點解仍然乜o野都睇唔到o既?」

CY:「既然同靈體有關,我要睇通佢o既前世今生,搵出佢身體發生異變o既原因。」

拿拿淋和CY讓俊華回到家,躺在床上後,開始作出行動。

CY將手搵在俊華額頭上:「天地靈光!讓我睇通佢前世今生!」

「看」了一會,CY面色一變。

拿:「睇到乜o野呀?」

CY放開搭在俊華身上的手說:「俊華前世原來被人殺死,而且死得好慘。佢臨死前發毒誓,話過來世投胎,長大成人後都唔會俾兇手好過。」

拿:「我明喇!俊華一到18歲成年之後,復仇o既『心魔』就醒覺o左,自己走o左去墳場查佢前世o既仇人死o左未。」

CY:「如果對方死o左,俊華o既『心魔』就會心息,否則o既話,佢會搵對方報仇。」

拿:「估唔到原來呢件事同靈體無關,而係俊華前生未了結o既恩怨。」

後記:拿拿淋和CY為俊華調查佢前生的仇人現況,結果證實那人已死去,而且死前家破人亡,最終被病魔折磨多年才死去,也許這叫做因果循環吧?俊華得悉這真相後,連潛伏著的「心魔」似乎也安息了,從此沒有再在深夜夢遊。
你需要登入後才可以回覆 登入 | 新會員登記

本版積分規則

QQ|小黑屋|手機版|網站地圖|聯絡我們|Unite Thai Amulet Forum (HK)    

GMT+8, 3-12-2016 06:32 , Processed in 0.060416 second(s), 22 queries .

Powered by Discuz! X3.2

© 2001-2012 Comsenz Inc. | 正體中文: [數碼中文坊]

快速回覆 返回頂端 返回清單